دەسگیرکردن کابرایگ "درێفتکەر" رییگ لە موسل بەسایە .. ڤیدیۆ
شەفەق نیوز/ سەرچەوەیگ ئەمنی لە پارێزگای نەینەوا، ئمڕوو پەنجشەممە، خەوەردا هێزەیل ئەمنی نیشتیمانی گەنجیگ دەسگیرکردن کە لەناو پارچە ڤیدیۆیگ بڵاوبویە دەرکەفێد درێفت وە ماشین کەێد لەبان یەکیگ لە جادەیل لای راس شار موسڵ.
سەرچەوەگە وە ئاژانس شەفەق نیوز وت، لە ڤیدیۆیگ دەرکەفتیە گەنجیگ ماشینیگ جویر "مۆستنگ" وەشیوەی سەرەهەرزانە رانێد و لەناوڕاس جادەی گشتی درێف وەپی کەێد، بویەسە مدوو گرفت هاتوچوی ژیان هاوڵاتیەیل خستیەسە رخداری، کارەگە کاردانەوەی فرەیگ لەدویای خوەی هاورد لەبان توڕە کۆمەڵایەتیەیل.
ئاشکرایرد.
سەرچەوەگە دووپاتکرد، توومەتبار ئەرا بەندینخانە کلکریا و لایەنەیل پەیوەنیدار لێکۆڵینەوە لە رویداوەگە کەن ئامادەیکەن تا رێکار یاسایی وەرانوەری بگرێدەوەر، دیاریکرد لایەنە پەیوەنیدارەیل نەینەوە وەدویاچگن ئەرا جویر ئێ هەڵسوکەفتەیلە کەن و وە تونی مامەلە وەردی کەن ئەرا سنووردارکردن ئەو هەڵسوکەفتەیلە زەرد وە کۆمەڵگە و بیوەیی گشتی رەسنێد.
