تفەنگ لە دەسی کەفتیە.. ئاهەنگ سویر بوودە باوگەڕوو لە بابل

شەفەق نيوز/ فەرماندەیی پولیس دووپات بابل، ئمڕوو چوارشەممە، راگەیان کە تەقەکردن لەناو ئاهەنگ سویریگ بویە هوکار کوشیان کەسیگ و زەخمداری مناڵیگ، و تەقەکەرەگە دەسگیر کریا.

 لە بەیاننامەیگ رەسیە ئاژانس شەفەق نیوز وت: مەفرەزەیلی توەنست توومەتباریگ وە تەقەکردن ملهڕی لەناو ئاهەنگ سویریگ لە ناحیەی نیل باکوور شار حلە دەسگیر بکەن، کە بویە هوکار کوشیان کەسیگ و زەخمداری مناڵیگ.

وتیش: توومەتبارەگە لەناو سویرەگە تەقە وەرەو بان کردگە، و چەک لە دەسی کەفتیە، و گولە لەلیەو مەرەقەز بویە، کە کەسیگ کوشتیە، و مناڵیگ وە سەختی زەخمدار بویە.

   بەیاننامەگە وتیش: بەش پولیس قەزای محاویل وە هەماهەنگی وەرد دژەتاوان تیمیگ دروس کرد ئەرا دیاریکردن شوین توومەتبارەگە، و رەسینە شوینەگەی و دەسگیر کریا، و دەس وەبان چەک تاوانەگە نریا.