ئاسایش عراق تەقەلای قاچاخکردن یەک کیلوگرام مادەی "کریستال" لەری دەروازەیگ سنووری پویچەوکەێد

شەفەق نیوز/ وەڕێوەبەرایەتی دەروازەی شلامجەی هاوسنوور ئیران، ئمڕوو پەنجشەممە، پویچەوکردن تەقەلای قاچاخکردن یەک کیلوگرام مادەی هووشبەر "کریستال" راگەیان. 

وەڕێوەبەرایەتیەگە لە بەیاننامەیگ رەسیە ئاژانس شەفەق نیوز راگەیان، وە هاوکاری وەرد بەش بەڕەنگاربوینەوەی مادەی هووشبەر، توەنستنە گەشتیاریگ عراقی لەناو رێڕەو گەشتیارەیل دەسگیربکەن یەک کیلوگرام لە مادەی "کریستال" وەپی گردن کە وەشیوەی لێهاتگیگ شاردیەسەوەی لەناو بوڕیگ دو دیم بەسیاگ لە تەقەلایگ سەرنەکەفتی ئەرا هاوردنە ناو وڵاتەگە.

وتیش، وەشیوەی یاسایی دەسگیریا وەبان دەسوەبان گیریاگەل و توومەتبارەگە و مادەیل هووشبەر ئەرا بنکەی پۆلیس گومرک شەلامجە کلکریان ئەرا تەواوکردن رێکارەیل یاسایی گونجیاگ وەرانوەری.