وه‌زير وه‌رين وه‌رگرێ ئه‌مريكا ماڵئاوايى يه‌كجارى له‌دونيا كرد
2019-01-06T07:56:00+00:00
شه‌فه‌ق نيوز/ هارولد براون وه‌زير وه‌رين وه‌رگرى ئه‌مريكا، ك بنه‌ماى ريككه‌فتنه‌يل داوه‌زانن چه‌كه‌يل جه‌نگێ(ستارت)دانا، له ته‌مه‌ن 92 ساڵان له‌ناو ماڵه‌گه‌ێ خوه‌ى ماڵئاوايى يه‌كجارى له دونيا كرد
له‌ى باوه‌ته‌و، رووژنامه‌ى نيويۆرك تايمز له زووان ديبۆرا براون دويه‌تێ ئه‌وه ده‌رخست ك براون له‌ناو باخه‌گه‌ێ خوه‌ى مردگه له‌ئاكام نه‌خوه‌شى شيرپه‌نجه‌ێ به‌نكرياس.
براون له‌وه‌خت سه‌رۆكايه‌تى جيمى كارته‌ر پۆست وه‌زير وه‌رگرى(پنتاگۆن)داشت له 1977 تا 1988، ك وه‌يارمه‌تى براوان ئمزا له‌بان ريككه‌فتن كامپ ديڤد كريا له‌ساڵ 1979 له واشنتۆن، ك له‌و سه‌رده‌مه مناحم بێگن و ئه‌نوه‌ر سادات په‌يماننامه‌ى ئاشتى له‌ناونى ئسرائيل و مسر ئمزا كردن.
