واشنتۆن سزا له‌بان دو كۆمپانياى رووسى هه‌ڵگرت
2019-01-28T08:34:00+00:00
شه‌فه‌ق نيوز/ وه‌زاره‌ت گه‌نجينه‌ى ئه‌مريكى ئاشكراى لاوردن سزايه‌يله كرد ك له مانگ ئبريل چه‌سپانه‌ى له‌بان كۆمه‌ڵ"روسال" و كۆمپانياى "ئێن بلاس" سه‌ر وه كۆمه‌ڵه‌گه، ك هه‌ردوگيان له‌ژير ده‌س ئۆليغ ديريباسكاى ملياردێر نزيك له فلامير پۆتين سه‌رۆك رووسيا بوين.
وه‌زاره‌ته‌گه له به‌ياننامه‌يگ وت: ئه‌و هه‌ردوگ كۆمپانيا له ژير ده‌سڵات ديريباسكا كه‌مه‌و بوينه‌و هه‌ر يه‌كيگ له‌ليان رازێ بويه له‌بان وجوود كه‌سيگ سه‌روه‌خوه‌ى له وڵاته‌يل يه‌كگرتگ و يه‌كێتى ئۆرپا ئه‌را ئه‌نجومه‌ن ئداره‌يليان.
وه‌زاره‌ته‌گه يه‌يش ده‌رخست ك هه‌ردوگ كۆمپانياگه رازييش بوينه له‌بان شه‌فافيه‌تيگ خاستر له‌ڕێ رێگه‌داين وه وه‌زاره‌ت گه‌نجينه ئه‌را له‌وه‌رگرتن ڕێ وشوون پڕ دقه‌تيگ له‌باره‌ى كاره‌يليان.
