لافاو روێ له 5 پاريزگاى ئيرانى كردگه
2019-01-29T08:05:00+00:00
شه‌فه‌ق نيوز/ ده‌سڵاته‌يل ئيرانى ئاشكراى كردن ك ئاو لافاوه‌يل و واران وارين 5 پاريزگاى ئيرانى گرته‌سه‌و.
له‌ى باوه‌ته‌و، ئاژانس فارس ئيرانى له زووان شاهين فه‌تحى ده‌سميه‌تده‌ر سه‌رۆك ريكخرياگ وه‌ناهاڕه‌سين و قورتاركردن وت: لافاو روێ له 5 پاريزگاى ئيران كردگه ك پيكهاتنه له پاريزگايه‌يل ئيلام، چوار محه‌ل، خوزستان، زه‌نجان و كرماشان.
ئاژانسه‌گه هه‌ميش وت: خزمه‌تگوزارى وه‌هاناڕه‌سين هه‌زار كه‌س گرته‌سه‌و له 17 شار و ئاوايى تا ئيواره‌ى دويه‌كه‌و هيمان تائيسه‌يش وه‌رده‌وامه له هه‌وڵه‌يلى و باس له‌وه‌يش كرد ك 800 كه‌س له خوزستان جيگير كريانه‌و 4 كه‌مپ له هه‌ردوگ ناوچه‌ى شووش و ده‌شت ئازاده‌كان دامه‌زرياگه.
