كلكرياێ ئه‌مريكى: ئيران هه‌وڵ ئه‌ياد بچێده ناو ده‌زگايه‌يل سوريا
2018-11-21T17:33:00+00:00
شه‌فه‌ق نيوز/ جيمس جيفرى كلكرياێ ئه‌مريكى تايبه‌ت ئه‌را سوريا، جه‌خت له‌وه كرد ك ده‌رچگن ميليشيايه‌يل ئيرانى له سوريا زه‌مانه‌ت دوباره سه‌قامگير بوينه‌وه‌ى ئه‌و وڵاته ئه‌كا.
جيفرى له ديداريگ تايبه‌ت وه‌ل "سكاى نيوز عه‌ره‌بى" وت: ئه‌گه‌ر بخوازيم ريككه‌فتنيگ سياسيه وه‌ده‌س باريم و سه‌قامگيرى ئه‌را سوريا باريمنه‌و، گرنگ ئه‌وه‌سه گشت ميليشيايه‌يل له وڵاته‌گه ده‌ربچن، و ئيمه‌يش نگه‌رانيم وه‌تايبه‌ت له ميليشيايه‌يل ئيرانى ك سيسته‌م مووشه‌كى وه‌ل خوه‌يان هاوردنه.
جى باسه، جيفرى هه‌ميش وت: ئيرانيه‌يل هه‌وڵ وه‌ناوچگن ده‌زگايه‌يل سوورێ ئه‌يه‌ن جوور ئه‌وه‌گ له لوبنان و عراق و يه‌مه‌ن ئه‌نجامى دان.
