عراق سوو تەنیا ئەرا "ئێزیدیەیل" کەێدە پشوو
2024-04-16T16:15:18+00:00
شەفەق نیوز/ حکومەت عراق، ئمڕوو سێشەممە، بڕیاردا دەوام فەرمی سوو چوارشەممە ئەرا پێکهاتەیل ئێزیدی بکەێدە پشوو.
ئەمیندار گشتی ئەنجومەن وەزیرەیل لە بەیاننامەیگ رەسیە ئاژانس شەفەق نیوز راگەیان "وە پشت بەسین وە بڕیار ئەنجومەن وەزیرەل (23211 ساڵ 2023) سەرۆک ئەنجومەن وەزیرەیل رەزامەنی دا وەبان پشووی فەرمی ، سوو چوارشەممە، بڕوار هەڤدەی نیسان 2024 تەنیا ئەرا ئێزیدیەیل، کە هاوکاتە وەرد جەژن سەرساڵ ئێزیدیەیل.
"چوارشەمما سوور" جەژن سەرساڵ ئێزیدیەیلە، کەفێدە رووژ چوارشەممەی سەرەتای مانگ نیسان گشت ساڵیگ وەپای ساڵنامەی خوەرهەڵات کە 13 رووژ ها لە دویای ساڵنامەی خوەرئاوایی.
