شماره‌ى سه‌ره‌تايى قوربانيه‌يل په‌لامار نمايشه سه‌ربازيه‌گه‌ى ئيران ئاشكرا بوێ
2018-09-22T09:10:00+00:00
شه‌فه‌ق نيوز/ هووكاره‌يل ره‌سانن ئيرانى ئاشكراى ئه‌وه كردن ك شماره‌ى سه‌ره‌تايى قوربانيه‌يل په‌لاماره چه‌كداريه‌گه ئه‌را بان نمايشه سه‌ربازيه‌گه ك ئمڕوو ده‌مه‌و شه‌وه‌كى ئه‌نجام دريا له باشوور خوه‌رئاواى ئيران ئاشكرا كرياگه.
ئه‌و هووكاره‌يل ره‌سانن ئيرانيه، ئه‌وه ده‌رخستن ك شماره‌ى سه‌ره‌تايى ئه‌و په‌لاماره كوشيان 8 سه‌رباز ئيرانى بويه بيجگه كوشيان دو كه‌س له په‌لامارده‌ره‌يل و زه‌خمداربوين نزيكه 20 كه‌س تر و له هه‌مان وه‌خت جه‌ماعه‌ت ئه‌هوازى له‌ى باوه‌ته‌و تومه‌تبار كريانه.
جى باسه، ده‌مه‌و شه‌وه‌كى ئمڕوو هيزيگ چه‌كدار په‌لامار نمايشيگ سه‌ربازى دان له شار ئه‌هواز وه بوونه‌ى ساڵياد جه‌نگ ناونى عراق و ئيران له ساڵه‌يل هه‌يشتاى سه‌ده‌ى وه‌رين.
