سوپاى ئه‌مريكى باوه‌ڕێ ئه‌وه‌سه وڵاته‌گه بچێده ناو جه‌نگ گشتگيريگ له‌ى وه‌خته
شه‌فه‌ق نيوز/ نيمه‌ى له سه‌ربازه‌يل ئه‌مريكى باوه‌ڕيان ئه‌وه‌سه ك وڵاته‌گه‌يان وه‌ى نزيكه‌يله به‌شدارى له جه‌نگيگ گشتگير ئه‌كا جوور ئه‌وه‌گ له خوه‌نينه‌وه‌يگ ئستقسائى ده‌ركه‌فت ك له‌لايه‌ن رووژنامه‌ى Military Time ئه‌مريكيه‌و ئاماده كرياگه‌و تايبه‌ته وه كاروبار سه‌ربازێ.
وه‌گووره‌ى ئه‌و خوه‌نينه‌وه، 46% له سه‌ربازه‌يل ئه‌مريكى باوه‌ڕيان ئه‌وه‌سه وڵاته‌گه‌يان به‌شدارى جه‌نگيگ گشتگير ئه‌كا له ماوه‌ى ساڵ ئاينده، ئه‌ويش وه‌گووره‌ى ئاماريگ ك له سپته‌مبه‌ر 2017 ئه‌نجام گرتگه‌و 5% ته‌نيا له سه‌بازه‌يل ئه‌مريكى ئى رايه ده‌رخستنه.
جى باسه، ئه‌و نيمه‌ى سه‌ربازه‌يله ك كه‌فتنه‌سه وه‌ر ئاماره‌گه باوه‌ريان ئه‌وه‌سه وڵاته‌گه‌يان كيشيه‌ێد وه‌ره‌و كيشمه‌كيش خه‌ته‌رناكيگ له ساڵ ئاينده‌و پيشبينى يه‌يش ئه‌كريه‌ێد ك روسيا شايه‌ت دژ سه‌ره‌كى بدێ له‌ى جه‌نگ ئه‌گه‌ركرياگه‌و دوياى ئه‌وه‌يش چين وه پله‌ى دويه‌م.
