سه‌ركرده‌يگ ئه‌مريكى به‌شدار له داگيركردن عراق بويه باڵيۆز واشنتۆن له سعوديه
شه‌فه‌ق نيوز/ دياره ناو باڵيۆز تازه‌ى ئه‌مريكى له سعوديه وه ته‌واوى عه‌ره‌بيه، ك ئه‌ويش جۆن ئه‌بى زه‌يد جه‌نراڵ خانه‌نشين ئه‌مريكى لوبنانيه‌و پياو دويه‌م بوێ له سه‌ركردايه‌تى ناوه‌ندى ئه‌مريكى له خوه‌رهه‌ڵات ناوين له‌وه‌خت داگيركردن عراق له‌ساڵ 2003.
ئه‌بى زه‌يد له‌ساڵ 1951 له باكوور كاليفۆرنيا له دايگ و باوگيگ لوبنانى هاته‌سه دونيا و له‌ساڵ 2003 بويه سه‌ركرده‌ى سه‌ركرايه‌تى ناوه‌ندى ئه‌مريكى له خوه‌رهه‌ڵات ناوين وه ته‌كليف له‌لايه‌ن بۆش باوگ، ئه‌ويش وه‌رجه دو رووژ له داگيركردن عراق.
ئه‌بى زه‌يد له تاوسان 1991 يش سه‌ركردايه‌تى تيم په‌ره‌شووته‌يل گرته ده‌س ك كرده‌وه‌يل ئه‌منى ئه‌نجام دان له باكوور عراق ئه‌را دويره‌وخستن سه‌دام حسێن له ناوچه‌يل كوردستانى و دوياى ئه‌وه‌يش له‌ساڵ 2007 خانه‌نشين كرياو ئيسه‌يش له‌نوو كريا باڵيۆز واشنتۆن له سعوديه.
