زه‌ويه‌له‌رزه‌ێ قايميگ له فلپين روێداو وشدارييش له شه‌پۆله‌يل تسونامێ ئه‌دريه‌ێد
2018-12-29T08:07:00+00:00
شه‌فه‌ق نيوز/ ناوه‌ند ئوقيانۆس ئارام وشدارێ دا له‌باره‌ى شه‌پۆله‌يل تسونامى و مه‌ترسيه‌يلێ له ناوچه‌يل ده‌ورگرد ئۆقيانوسه‌گه‌ێ له‌دوياێ زه‌ويه‌له‌رزه‌يگ قايم ك كه‌فته‌سه‌و له باشوور خوه‌رهه‌ڵات فلپين.
ناوه‌نده‌گه وت: مه‌ترسيه‌يل فريه‌يگ ئه‌كريه‌ێد له شه‌پۆله‌يل گه‌ورا له ناوچه‌يليگ له ده‌ورگرد ئۆقيانوس ئارام ك نزيك زه‌ويه‌له‌رزه‌گه‌س، وه‌لێ مه‌ترسێ له‌بان ولايه‌ت هاواى ئه‌مريكى نيه له‌باره‌ێ ئه‌و شه‌پۆله‌يله.
جى باسه، زويتر ده‌سه‌ێ ئامار زه‌ويناسى ئه‌مريكى وت: ئه‌و زه‌ويه‌له‌رزه وه هيز 7،2 پله‌ى ريخته‌ر بويه له نزيك دويرگه‌ى ميانداناو له باشوور خوه‌رهه‌ڵات فلپين.
