دوياى كيشانه‌وه‌ى ئه‌مريكا.. كورد سوريا مقه‌يه‌تى ئه‌سه‌د و بۆتين ئه‌خوازن
شه‌فه‌ق نيوز/ سه‌ركرده‌يل كورد له‌وانه‌گ ده‌سڵات له‌بان به‌شه‌يليگ فراوان له باكوور سوريا، داوا له مۆسكۆ و ديمه‌شق هاوپه‌يمانى كردن هيز كلكبكه‌ن ئه‌را مقه‌يه‌تيكردن مه‌رزه‌يل له مه‌ترسى په‌لاماره‌يل سه‌ربازێ، ئه‌ويش دوياى بڕيار كيشانه‌وه‌ى هيزه‌يل ئه‌مريكا له ناوچه‌گه.
داواى كورد ئاشكراى هاتنه‌وه‌ى هيزه‌يل حكومه‌ت سوورى ئه‌را مه‌رزه‌يل ده‌رخست ك ئه‌را ماوه‌ى ساڵه‌يليگه له‌ژير ئداره‌ى كورد بويه، ئه‌ويش وه بوونه‌ى قويلايى ئه‌و قه‌يرانه ك له ئه‌نجام بڕياره له‌ناكاوه‌گه‌ێ تره‌مپ ئه‌را كيشانه‌وه‌ى هيزه‌يلى هاته‌سه وجوود.
جى باسه، هيزه‌يل ديموكرات سوريا هاوبه‌ش سورى سه‌ره‌كى بوێ ئه‌را واشنتۆن له جه‌نگ دژ ريكخرياگ داعش، وه‌لێ توركيا توركيا جوور هه‌ڕه‌شه‌كه‌ر ته‌ماشاى جه‌نگاوه‌ره‌يل يه‌كينه‌يل پاسه‌وان ملله‌ت كورد ئه‌كاو باس له له‌ناوبردنيان ئه‌كا.
