ده‌سڵاته‌يل ئه‌مريكى چوار كه‌س وه تومه‌ت په‌لامارداين موسڵمانه‌يل ده‌سگير كرد
2019-01-23T07:48:00+00:00
شه‌فه‌ق نيوز/ ده‌سڵاته‌يل ئه‌مريكى چوار كه‌س ده‌سگير كرد وه تومه‌ت پيلانگه‌رێ له‌بان جيوه‌جيكردن په‌لاماره‌يليگ وه قومبه‌ڵه‌و چه‌ك دژ گردبوينه‌وه‌ى موسڵمانه‌يل له ولايه‌ت نيويۆرك.
ده‌سڵاته‌يل تومه‌ت هه‌ڵگرتن قومبه‌ڵه‌يل ده‌سكرد و چه‌كه‌يل تر و پلان داناين ئه‌را په‌لامارداين ده‌زگاى ئسلامبێرگ ك له‌لايه‌ن پياويگ پاكسانى له شار هانكوك دروس كرياگه خستنه‌سه پاڵ ئه‌و تومه‌تباره‌يله و ئه‌و پيلانه‌يليانه ئاشكرا كريا دوياى وه‌رگرتن زانيارى له خوه‌ندكاريگ ك ئه‌و ده‌زگار ئه‌گريه‌ێده ئامانج.
جى باسه، بڕياره ك ئه‌و ته‌مه‌تباره‌يله ره‌وانه‌ى وه‌رده‌م دادگا بكريه‌ن ك سييان له‌ليان له ته‌مه‌ن گه‌وران و يه‌كيگيان هه‌رزه‌كاره ك بڕێگ مين و ته‌قه‌مه‌نى له ماڵه‌گه‌ى دوينرياسه‌وه‌و ته‌مه‌نى 16 ساڵه.
