جه‌نگ ئابوورى جاريگر نرخ ليره‌ى توركى داوه‌زان
2018-08-23T13:48:00+00:00
شه‌فه‌ق نيوز/ نرخ ليره‌ى توركى روێ له داوه‌زين كرد ئه‌را مه‌ندنه‌وه‌ى له‌ژير فشار وه‌ل وه‌رده‌وامى ناكووكيه‌يل ناونى توركيا و وڵاته‌يل يه‌كگرتگ.
ئه‌نقه‌ره وت: واشنتۆن جه‌نگيگ ئابوورى به‌رپا ئه‌كاو حورمه‌ت له سيستم دادوه‌رى ناگرێد له‌باره‌ى مه‌سه‌له‌ى ئه‌ندرۆ برانسۆن ك وه تومه‌ت تيرۆر له توركيا دادگايى ئه‌كريه‌ێد ك يه‌يش كيشه‌يگه زه‌ره‌د ره‌سانه‌سه په‌يوه‌نديه‌يل ناونى هه‌ردوگ وڵات ئه‌ندام له هاوپه‌يمان باكوور ئه‌تڵه‌سى.
جى باسه، نرخ ليره 1.1 له‌سه‌د داوه‌زێ ئه‌را 6.1000 وه‌رانوه‌ر دۆلار، يه‌يش له‌وه‌ختيگ بازاڕه‌يل توركى وه بوونه‌ى پشوو جه‌ژن قوربانه‌و به‌سيانه.
