تونس ياسايگ وه چه‌واشه‌ى شه‌ريعه‌ت ئسلامى دانا
شه‌فه‌ق نيوز/ ئه‌نجومه‌ن وه‌زيره‌يل تونسى، وه سه‌رپه‌رشى ئه‌لباجى قايد سبسى سه‌رۆك كۆمار، پرووژه ياساى بار شارستانى په‌سه‌ن كرد ك له‌تى حوكميگ يه‌كسان گرته خوه‌ى له ميرات له‌ناونى ژن و پياو.
ئاژانس تونس ئه‌فريقيا ئه‌را هه‌واڵه‌يل وت: ئه‌نجومه‌ن وه‌زيره‌يل پرووژه‌ى ياساى بنه‌ڕه‌تى په‌يوه‌س وه بار شارستانى په‌سه‌ن كردكدگه و حكومه‌تيش له ماوه‌ى چه‌ن مانگيگ ئاينده ئه‌خاده‌ى وه‌رده‌م په‌رله‌مان ئه‌را په‌سه‌نكردنى تا كار وه‌پى بكريه‌ێد.
ئه‌و پرووژه ك سه‌رۆك تونسى له ئا گوزه‌يشت ئاشكراى كرد، بويه جى مشتومڕ فره‌يگ له ناو و ده‌يشت تونس، ئه‌ويش وه ئه‌وه‌گ يه‌كسانى په‌يا ئه‌كا له بنه‌ماى گشتى له‌ناونى ژن و پياو له‌باره‌ى ميرات.
له‌ى باوه‌تيشه‌و، سه‌عيده قراش قسه‌كه‌ر وه‌ناو سه‌رۆكايه‌تى كۆمار ، وت: ئى ده‌سپيشخه‌ريه جوور خه‌باتيگه ئه‌را نه‌وه‌يل ئاينده‌و مافه‌يليان وه‌تايبه‌ت ئه‌را ژنه‌يل تونسى له‌باره‌ى جيوه‌جيكردن يه‌كسانى و ئه‌قليه‌ت ته‌واو يه‌كسانى له‌ناونى هه‌ردوگ ره‌گه، يه‌يش له حاڵه‌تيگ ك شه‌ريعه‌ت ئسلامى ئويشيد: نسيو پياو ئه‌وه‌نى نسيو دو ئافره‌ته له ميرات.
