توركيا.. شايه‌تيده‌ريگ دژ قه‌شه ئه‌مريكيه‌گه شايه‌تيه‌گه‌ى ئاڵشت ئه‌كا
2018-10-12T14:45:00+00:00
شه‌فه‌ق نيوز/ هووكاره‌يل ره‌سانن ئه‌مريكى، ئه‌وه ده‌رخستن م شايه‌تيده‌ريگ ك زوويتر شايه‌تى داگه دژ ئه‌ندرۆ برۆنسون ك ده‌سوه‌سه‌ر كرياگه له توركيا، شايه‌تيه‌گه‌ى ئالشت كردگه.
له‌ى باوه‌ته‌و، په‌يامنێر كه‌ناڵ "NTV"ك چاودێرى رويداگه‌يل دانيشتن دادگا ئه‌كا، وت: ليفانت كلككان شايه‌تيده‌ر باس له‌وه كردگه ك خراو فامستگه له مه‌سه‌له‌گه، ئه‌ويش دوياى ئه‌وه‌گ زويتر دژ برۆنسونن بوێ له شايه‌تى.
جى باسه، ئى قه‌شه‌ى ئه‌مريكيه دوياى هه‌وڵه‌يل كوده‌تاى 2016ى توركيا ده‌سگير كرياو تومه‌ت تيرۆر خريا پاڵى، وه‌و بوونه‌يشه‌و په‌يوه‌نديه‌يل توركيا و ئه‌مريكا روێ له خراوى كرد و له چه‌ن مانگيگ گوزه‌يشت ئه‌مريكا سزاى تون له‌بان توركيا چه‌سپان.
