تره‌مپ ئوميده‌واره جاريگ تر چه‌وێ بكه‌فێده كيم
2019-01-02T07:42:00+00:00
شه‌فه‌ق نيوز/ دوناڵد ترامپ سه‌رۆك ئه‌مريكا، ئوميده‌واره دانيشتنيگ تر وه‌ل كيم جونگ ئون سه‌رۆك كۆرياى باكوور ساز بكا، ئه‌ويش له‌وه‌ر ئاماده‌گى سه‌رۆك كۆريا ئه‌را ديدار وه‌ل تره‌مپ.
تره‌مپ له تويته‌ر وتگه: منيش ئوميده‌وارم ديدار وه‌ل كيم ئه‌نجام بيه‌م ك خاس ئه‌زانێد كۆرياى باكوور وه‌رگريه‌يل خاسيگ ئابوورێ ديرێد.
جى باسه، ئى قسه‌يل سه‌رۆك ئه‌مريكا له ئه‌نجام وته‌يگ سه‌رۆك كۆرياى باكوور بوى وه بوونه‌ى ساڵ تازه‌ى زايينى وه ئه‌وه‌گ ئاماده‌س ئه‌را ديدار ترامپ له هه‌ر وه‌ختيگ و له هه‌مان وه‌خت وشدارييش دا ك بيونگ يانگ هويچ له ريڕه‌وه‌گه‌ێ ئاڵشت ناكا ئه‌گه‌ر واشنتۆن مكوڕ بدێ له‌بان ئه‌و سزايه‌يله ك چه‌سپياگه له‌بان رژيمه‌گه‌ێ.
