تریسی جاکۆبسۆن: بەرژەوەنیەیل ئەمریکا قایم کەم و نواگیری کاریگەری میلیشیایل لە عراق کەم
جاکۆبسۆن کە زیاتر لە ٣٠ ساڵ ئەزموون لە وەزارەت دەیشت دبرێد، دووپات کرد کە لە نزیکەو وەرد ئەو دەسە ئەرا وەنوابردن بەرژەوەنیەیل ئەمریکا لە عراق کار کەێد.
وتیش: ئەگەر لە پۆستەگە دانریەێد، کار سەرەکیم مقیەتیکردن هاوڵاتیەیل ئەمریکی و قایمکردن هاوبەشی دوولایەنەمان بوود، ئەرا پشتگیریکردن لە ستراتیژی و بەرژەوەنییە هاوبەشەیلمان.
باس ئەزموون وەرین خوەی کرد جویر باڵیۆز ئەمریکا لە تورکمانستان و تاجیکستان و کۆسۆڤۆ و جیوەجیکار کاروبار باڵیۆزخانەی ئەمریکا لە ئەسیوپیا و باس ئەوە کردە کە ئس ئەزموونەیلە هیشت زیاتر شایستە بوود ئەرا قایمکردن بەرژەوەنیەیل ئەمریکا لە عراق.
لەباوەت ئاسایش، جاکۆبسۆن زوور لە گرنگی بەرزکردن سەقامگیری و ئاسایش و سەروەری عراق کرد و وتیش؛ داعش هیمان رخی لەبان ناوچەگە مەنیە.
هەمیش وت: سوپاگەمان پاڵپشتییگ گرنگ پیشکەش وە هیزەیل ئەمنی عراق و پیشمەرگە کەێد لە هەرێم کوردستان کەێد، دویای دە ساڵ لە گلەوخواردن هیزەیلمان ئەرا عراق ئەرا جەنگ داعش، وەخت ئەوە هاتگە سوپاگەمان گامیگ بخەێدە ناو ڕۆڵیگ نزز هەر ئاڵشتبوینیگ لە ئۆپەراسیۆن ئیرادەی رپ ئەرا ڕێکخستنیگ ئەمنی دوولایەنە ئەرا شکستهاوردن وە داعش و قایمکردن ئاسایش عراقە”.
جاکۆبسۆن دیاری کرد کە گەشەسەنین ئابووری، و حکومەتیگ کە توانای پیشکەشکردن خزمەتگوزاری وە خەڵکەگەی بوود، تیرۆر کەمەو کەێد، و کاریگەری میلیشیایل هاوپەیمان وەرد ئیرانیش کەمەو کەێد کە مەترسییگ گەورە لەبان بانان وڵات دروس کەێد.
وتیش: ئیران ئەکتەریگ خراوەکارە لە عراق و ناوچەگە ناسەقامگیر کەێد، ئیمەیش وەوە زانیمن کە مەترسی سەرەکی لەبان عراق میلیشیایل هاوپەیمان ئیرانن.
جاکۆبسۆن دووپات کرد کە وەردەوام بوود لە پاڵپشتیکردن ریکارەیل گەنجینەی ئەمریکا ئەرا مۆدێرنکردن سیستەم بانکی عراق، و دووپاتیش کرد کە "ری وە ئیران نیەێد ئەو غازە کە ئەرا وێستگەیل دانریاس بکەێدە چەکیگ لەڕوی عراق".
لە لاییگ ترەک، جاکۆبسۆن هوشداری دا لە "نیازە خراوەیل ئیران و وەردەوام دەس ئیران لە شیوانن رەوش ئەمنی ناوچەگە"، وتیش: "میلیشیایل سەر وە ئبران مەترسییگ گەورە لەبان سەقامگیری عێراق دروس کەن”.
جاکۆبسۆن لە کۆتایی قسەیلی دووپات کرد لەبان پابەندبوینی وە مقیەتیکردن بەرژەوەنیەیل ئەمریکا و کارکردن ئارامی و ئاسایشی عراق ئەگەر دەسەوەکاربوینی پشتڕاس بکریەێد.
