تاڵيبان له‌وه‌ر روێ وه‌ڕوێ بوينه‌وه‌ى داعش ده‌سميه‌ت ئه‌مريكا ئه‌خوازێد
شه‌فه‌ق نيوز/ رووژنامه‌ى تايمز راپۆرتيگ ك له‌لايه‌ن په‌يامنێره‌يليه‌و له ده‌لهى و ئسلام ئاباده‌و نويسرياگه بڵاوكرد له‌ژير ناونيشان" تاڵيبان ئه‌گه‌ردێده شوون پشتگيرى ئه‌مريكى له جه‌نگى وه‌ل ريكحرياگ ده‌وڵه‌ت ئسلامى ".
راپۆرته‌گه ئاماژه وه ئه‌وه ئه‌كا بزووتنه‌وه‌ى تاڵيبان ئاماده‌س ئه‌را ئه‌نجامداين په‌لامار گه‌ورا دژ ريكخرياگ تيرۆريستى داعش له ئه‌فغانستان و هه‌وڵ جيوه‌جيكردن هاوپه‌يمانێتى ته‌كتيكييگ ئه‌ياد وه‌ل هيزه‌يل ئه‌مريكى و ئه‌فغانى له‌چوارچێوه‌ى وساننه‌وه‌ى په‌لاماره‌يل ئاسمانى ك چه‌كداره‌يلى ئه‌گرێده ئامانج له‌وه‌خت جه‌نگه‌يليان دژ دوشمن هاوبه‌ش.
راپۆرته هه‌ميش وت: ئى داواكاريه شايه‌ت گاميگ تر ديارى بكا له ريره‌و پرووسه‌ى ئاشتى له‌ناونى تاڵيبان و حكومه‌ت ئه‌فغانى و هاوپه‌يمانيه‌يل خوه‌رئاواى، ئه‌ويش دوياى دووسى سه‌ركه‌فتگ له ماوه‌ى گوزه‌يشت و گفتگووه‌يل وه‌رده‌وام ناونى وه‌رپرسه‌يل ئه‌مريكى و كه‌سه‌يل تر له بزووتنه‌وه‌گه.
