به‌ڵگه‌يل هه‌واڵگيرى: مووشه‌كه‌يل ئيرانى تواناى ره‌سين وه ئۆرپا ديرن
2018-12-10T07:51:00+00:00
شه‌فه‌ق نيوز/ به‌ڵگه‌يليگ هه‌واڵگيرى خوه‌رئاوايى ئاشكراى ئه‌وه كردن ئيران وه راده‌ى فريه‌يگ مووشه‌كه‌يلێ فراوانه‌و كردگه‌و مووشه‌كه‌يليگ ديرێد تواناى ره‌سين وه بڕيگ له خاكه‌يل يه‌كێتى ئۆرپا ديرێد.
جوور ئه‌وه‌گ ماڵپه‌ڕ ته‌له‌فزيۆن"WeLT"ئه‌لمانى بڵاويه‌و كردگه‌و ك ئاگاداره له به‌ڵگه‌يله، ئه‌و ئه‌زموون مووشه‌كه‌يل باليستيه ئيرانيه زياتره‌و بويه‌و مه‌سه‌له‌گه ئه‌وه‌سه ك يه‌يش سه‌رپيچييگه له ريككه‌فتنه ئه‌تۆميه‌گه.
وه‌گووره‌ى ئه‌و به‌ڵگه‌يليشه له‌يوا دياره ئيران ئه‌و ئه‌زموونه فراوانتره‌و كردگه وه‌شيوه‌يگ ئاشكرا، چوينكه ئمساڵ 2018 نزيكه‌ى هه‌فت مووشه‌ك نيمچه دوير تاقييه‌و كردگه له‌وه‌ر مه‌زه‌نه‌ى كاريگه‌ريه‌گه‌ێ تا بزانێد تا كوورا ره‌سێد.
