بريتانيا و فره‌نسا و ئه‌ڵمانيا وه هه‌ڵويستيگ هاوبه‌شه‌و هاتنه بان خه‌ت قه‌يران خاشقچى
2018-10-14T17:16:00+00:00
شه‌فه‌ق نيوز/ به‌ياننامه‌يگ هاوبه‌ش بريتانيا و فره‌نسا و ئه‌ڵمانيا، داواى ئه‌وه كرد مه‌سه‌له‌ى بيسه‌روشوونكردن جه‌مال خاشقچى رووژنامه‌نويس سعودى ئاشكرا بكريه‌ێد ك ده‌س كى له‌پشتى بويه.
ئاژانس روێته‌رز وت: به‌ياننامه‌گه داواى ئه‌نجامداين په‌يجوورى متمانه‌داريگ كردگه ئه‌را زانستن راسيه‌يل ئى رويداگه‌و دياريكردن وه‌رپرسه‌يل له بيسه‌روشوونكردن خاشقچى.
به‌ياننامه‌گه هه‌ميش وت: بريتانياو فره‌نساو ئه‌ڵمانيا ده‌سخوه‌شى له هه‌وڵه‌يل هاوبه‌ش سعودى و توركى ئه‌كا له‌ى باوه‌ته‌وه‌و پيشبينى يه‌يش ئه‌كا حكومه‌ت سعوديه جواو ته‌واويگ له‌باره‌يه‌و پيشكه‌ش بكا.
