ئازەڕبایجانیەیل، بسەڵمانەیلێ خودا نەناس
![ئازەڕبایجانیەیل، بسەڵمانەیلێ خودا نەناس](https://media.shafaq.com/media/arcella/1609434893237.jpg)
شەفەق نیوز- بنگەێ نهزەرخوازی گاڵووپ، نەزەرپرسیێ ئەنجام داگە ک دە رووژنامەێ واشنگتنپوست بڵاوەو کریاگە.
دە ئی نەزەرخوازییە وەێ چشتە رەسینە ک کۆمار ئازەڕبایجان، دوانزەهمین کشوەرێگە ک خەڵکەگەێ خودانەناسن.
ئی وڵاتە، یەکم کشوەر بسەڵمانێگە ک دوکوت مەردمەگە ک لە هساو بایەد بسەڵمان ببن، وتنە ک خودانەناسن و خودا هیچ هنێ دە ژیانێیان نەدیرێ.
چین کومونیست، هەفتا لە سەد، ئوو دە ئازەڕبایجان بسەڵمان پەنجا و چوار لە سەد وڵاتوەندەیلە کەلێیان وە خودا نییە.
بیین وڵاتێگ بسەڵماننشین دە نام هێژدە وڵات خوداناباوەڕ دنیا، چشتێگە بڵاجەوی چوون رێچە و رسووم ئسڵامی بییە وە بەشێ لە فەرهەنگ وڵاتەیل ئسڵامی ک یە چەن سەدەسە یا یە هزار و چوار سەد ساڵە وەرد ئامووژیارییەیل ملا و شێخ و فەقییەیل ئسڵامی و دە ژێر تەعلیماتەیلەێ ئەوان ژیانە...