ئيران: سعوديه له عراق و په‌نج ده‌وڵه‌ت تر شكه‌ست هاورد
2018-12-24T18:51:00+00:00
شه‌فه‌ق نيوز/ محه‌مه‌د جه‌واد زه‌ريف وه‌زير خارجيه‌ى ئيرانى، تومه‌تبار سعوديه كرد وه ئه‌وه‌گ هه‌وڵ ناڕه‌حه‌تكردن ئيران ئه‌ياد و هه‌ناى ك شكه‌ست هاورد تومه‌تبار ئيران كرد وه ئه‌وه‌گ مه‌شق سياسيه‌ت فراوانكردن ئه‌ياد.
زه‌ريف له ديمانه‌يگ وه‌ل گۆڤار فره‌نسى جه‌خت له‌وه كرد ك بارودوخ ئاژاوه‌يى له ناوچه‌گه له ئاكام په‌يابوين ئه‌و سياسه‌ته‌يله‌سه ك سعوديه‌و ئسرائيل په‌يڕه‌وێ ئه‌كه‌ن.
زه‌ريف يه‌يش ده‌رخست ك سياسه‌ت هه‌رێمى رياز ك هه‌وڵ ئه‌وه له‌تى ئه‌ياد ئيران كزه‌و بكا، ئه‌و ئاكامه‌يل خاسه ئه‌راى وه‌جه‌س نايه‌رێد و ئاماژه وه‌يه‌يش كرد ك حكومه‌ت سعوديه شكه‌ست هاوردگه له عراق و لوبنان و سورياو يه‌مه‌ن و قه‌ته‌ر و ئه‌فغانستان.
