ئيران ئاماده‌گێ دانيشتن وه‌پيه‌و ديار نيه‌و ئه‌مريكايش ئوميده‌واره
شه‌فه‌ق نيوز/ مايك په‌مپيۆ وه‌زير خارجيه‌ى ئه‌مريكى، ئاشكراى ئه‌وه كرد ك وڵاته‌يل يه‌كگرتگ هويچ ئاماژه‌يگ له‌باوه‌ت ئاماده‌گى ئيران ئه‌را دانيشتن له‌بان مێز گفتگوو ناوينێد، وه‌ڵێ ئوميده‌واره ته‌هران ئه‌و كاره ئه‌نجام بيه‌ێد.
په‌مپيۆ له باسيگ ئه‌را كه‌ناڵ "بى بى سى" بريتانى وت: ئيران تائيسه هويچ ئاماژه‌يگ وه‌پيه‌و ديار نيه نيشانه‌ى دانيشتن بدێ، وه‌لێ ئيمه ئوميده‌واريم ده‌سڵاته‌يل ئيرانى ئه‌و كاره ئه‌نجام بيه‌ن و باوه‌ڕمانيش ئه‌وه‌سه ملله‌ت ئيرانى ئه‌و كاره له‌ليان داوا ئه‌كا.
جى باسه، په‌مپيۆ هه‌ميش وت: ئامانج له سزايه‌يل ئه‌مريكى له‌وه‌ر وساننه‌وه‌ى كاريگه‌رێ ئيرانيه ك سه‌قامگيرى له‌ناوچه‌گه شيونێد و ئه‌را وساننه‌وه‌ى پشتگيرى ته‌هران له حزبوڵلاى لوبنانى ك هه‌ڕه‌شه له ئه‌مريكيه‌يل و ئسرائيليه‌يل ئه‌كا وه‌ل ئتسغلالكردن سامان و دارايى ملله‌ت ئيران ئه‌را هانداين تيرۆر له جه‌هان.
