ئه‌مريكا له‌باره‌ى سووكه‌وكردن سزا له‌بان كۆرياى باكوور كه‌فته ژير فشار
شه‌فه‌ق نيوز/ ئه‌مريكا روێ وه‌ڕوێ فشار فره‌يگ بويه‌سه‌و له‌لايه‌ن چين و روسياو كۆرياى باشوور و كۆمه‌ڵه‌يل ماف ئاده‌ميزاديش ئه‌را سووكه‌وكردن سزايه‌يل له‌بان كۆرياى باكوور، ئه‌ويش له‌وه‌ختيگ ك گفتگووه‌يل نه‌هيشتن چه‌ك تويش سه‌ختى هاتگه.
مه‌سه‌له‌ى گفتگووه‌يل واشنتۆن وه‌ل پيونگ يانگ ئه‌را نه‌هيشتن چه‌ك له هه‌فته‌ى گوزه‌يشت دوياخريا، له‌وه‌ختيگ كۆرياى باكوور ده‌سوه‌جێ دانيشتنيگ دوياخست ك زويتر وه‌خت ئه‌راى ديارى كرياوێد وه‌ل مايك په‌مپيۆ وه‌زير خارجيه‌ى ئه‌مريكا، يه‌يش له وه‌ختيگه ئه‌مريكا هه‌وڵه‌يلى وه‌رده‌وامه ئه‌را هيشتنه‌وه‌ى سزايه‌يل جوور خوه‌ى له‌بان ئه‌و وڵاته.
جى باسه، چه‌وه‌ڕێ ئه‌وه‌يش ئه‌كريه‌ێد مون ژێين سه‌رۆك كۆرياى باشوور له دانيشتنى وه‌ل شى ژينپنگ سه‌رۆك چين له چوارچێوه‌ى دانيشتن ئاسيا پاسفيك باس له‌ى باوه‌ته بكاو داوا له چين بكا وه‌رده‌وام بدێ له هه‌وڵه‌يلى ئه‌را ده‌سوه‌پيكردنه‌وه‌ى گفتگووه‌يل.
