ئه‌ردوغان داوا له ترامپ ئه‌كا سه‌ردان توركيا بكاو ماڵ چه‌رمگيش قسه‌ى له‌ى باوه‌ته‌و كرد
2018-12-25T08:07:00+00:00
شه‌فه‌ق نيوز/ قسه‌كه‌ر وه‌ناو ماڵ چه‌رمگ وت: ره‌جه‌ب ته‌يب ئه‌ردوغان سه‌رۆك توركى داوه‌تيگ ئاراسته‌ى دۆناڵد ترامپ هاوتا ئه‌مريكيه‌گه‌ێ كردگه ئه‌را سه‌ردان توركيا له 2019.
هۆغان جيدلى قسه‌كه‌ر وه‌ناو ماڵ چه‌رمگ له به‌ياننامه‌يگ وت: هه‌رچه‌نى چشتيگ دياريكرياێ نيه پلان ئه‌ڕاى دانرياوێد، وه‌لێ سه‌رۆك ئاماده‌س ئه‌را دانيشتنيگ ئه‌گه‌ركرياێ له ئاينده.
ئى داوه‌ته دوياى چه‌ن رووژيگ له بڕياره‌گه‌ێ ترامپ هات ك مشتومڕ فريه‌يگ له‌لێ كه‌فته‌و له‌باره‌ى كيشاننه‌وه‌ى گشت سه‌ربازه‌يل ئه‌مريكى له سوريا ك جه‌نگ دژ ريكخرياگ تيرۆريستى داعش كرديان له‌و وڵاته.
