ئسرائيل له بۆردومانكردن هيزه‌يل ئيرانى له سوريا په‌نا وه قورئان بردگه
شه‌فه‌ق نيوز/ ئسرائيل مشتومڕ فراوانيگ له ماڵپه‌ڕه‌يل په‌يوه‌ندى كۆمه‌ڵايه‌تى له ناوچه‌ى عه‌ره‌بى دروس كرد، دوياى ئه‌وه‌گ په‌نا وه يه‌كيگ له سوره‌ته‌يل قورئان برد ئه‌را ئه‌نجامداين په‌لاماريگ مووشه‌كى ك له‌تى هيزه‌يل ئيرانى له سوريا گرته ئامانج.
ئسرائيل له‌ڕێ ماڵپه‌ڕه فه‌رميه‌گه‌ى وه زووان عه‌ره‌بى له تويته‌ر وت: ئويشيمنه ئيران: أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ*أَلَمْ يَجْعَلْ كَيْدَهُمْ فِي تَضْلِيلٍ*وَأَرْسَلَ عَلَيْهِمْ طَيْراً أَبَابِيلَ*تَرْمِيهِمْ بِحِجَارَةٍ مِنْ سِجِّيلٍ*فَجَعَلَهُمْ كَعَصْفٍ مَأْكُولٍ.”.
جى باسه، وه‌ل ئه‌وه‌يشا سه‌رپه‌رشيار له‌بان ماڵپه‌ڕه‌گه وه‌ل "سوره‌ى فيل" گرته‌يگ ڤيديۆيى داوه‌زانگه ك بڕيگ له‌و بۆردومانه ده‌رخه‌يد ك له‌تى چه‌ن بنگه‌يگ سه‌ربازى له ده‌ورگرد شار ديمه‌سق گرته‌سه ئامانج و زه‌ره‌ده‌يل گيانى و ماددى له‌لى كه‌فته‌سه‌و.
