ئاگره‌گه‌ێ كاليفۆرنيا زياتر له 250 كه‌س كوشت و بيسه‌روشوون كرد
2018-11-12T07:15:00+00:00
شه‌فه‌ق نيوز/ شماره‌ى قوربانيه‌يل ئاگره‌گه‌ێ دارستانه‌يل له ولايه‌ت كاليفۆرنيا به‌رزه‌و بوێ ئه‌را 29 كه‌س، وه‌لێ سه‌رچه‌وه‌يل له باكوور كاليفۆرنيا ئاماژه وه ئه‌وه كردن ك هيمان 228 كه‌س بيسه‌روشوونن و 7 هه‌زار ماڵيش ويران بوينه.
ئه‌و ئاگره روێ له زياتر له 6700 باڵه‌خانه‌يش كرد له شار باراديس و له‌وانه‌يش نه‌خوه‌شخانه‌و ويستگه‌ى بانزين و چه‌نه‌ها ئاشخانه‌و فه‌رمان ئه‌را چووڵكردن ناوچه‌يل فريه‌يگيش درياگه ك زياتر له 52 هه‌زار كه‌س له‌تيان ژيه‌ن.
جى باسه، وه‌گووره‌ى سه‌رچه‌وه‌يل تائيسه 40 هه‌زار و 500 هكتار زه‌وێ سزياگه‌و ته‌نيا 20 له‌سه‌د له‌و ئاگره كۆنترۆڵ كرياگه، له‌وه‌ختيگ ك زياتر له 3200 كارمه‌ند ئاگركوشنه‌وه به‌شدارن له هه‌وڵه‌يل كوشاننه‌وه‌ى ئه‌و ئاگره.
