ئاماريگ ئاشكراى داوه‌زين ريژه‌ى ده‌نگه‌يل حزبه‌گه‌ێ ئه‌ردوغان كرد
شه‌فه‌ق نيوز/ ئاماريگ ك له‌لايه‌ن ده‌زگاى ئۆرج توركيه‌و ئه‌نجام درياگه له‌ماوه‌ى ناونى 7 تا 13ى ته‌شرين يه‌كه‌م ئى مانگه، ئه‌وه ده‌رخست ك حزب داد و گه‌شه‌وه‌پيداين فه‌رمانڕه‌وا 32،4% له ده‌نگه‌يل وه‌ده‌س ئه‌يه‌رێد له هه‌ڵوژاردنه‌يل ناوچه‌يى ك بڕياره له كووتايى ئادار ئاينده ئه‌نجام بگرێد.
ئى ئاكامه‌يل ئاماره وه چه‌واشه‌ێ پيشبينيه‌يل ره‌جه‌ب ته‌يب ئه‌ردوغان سه‌رۆك توركيا بوێ ك ئوميده‌واره وه وه‌رده‌وام ده‌سڵات له‌بان زوورم شاره‌وانيه‌يل داشتوود.
ئاكامه‌يل ئى ئاماره ك له‌رووژنامه‌ى زه‌مان له‌بان ماڵپه‌ڕ ئه‌لكترۆنى بڵاو كريا، ئه‌وه ده‌رخست ك حزب ملله‌ت كۆمارى ك گه‌وراترين حزبه‌يل ئۆپۆزسيۆنه له وڵاته‌گه له پله‌ى دويه‌م هاتگه وه ريژه‌ى 23،9%.
جى باسه، ئه‌و ئاماريشه ك راى 5 هه‌زار و 186 كه‌س له‌تى بويه‌و له‌رێ ماڵپه‌ڕ تويته‌ر به‌شدارى له‌تى كردنه، ئه‌وه ده‌رخست ك بزووتنه‌وه‌ى نه‌ته‌وه‌يى هاوپه‌يمان ئه‌ردوغان 15،7% له ده‌نگه‌يل هاوردگه‌و حزب ملله‌ته‌يل ديموكراتيش 5،1% و حزب خه‌ير وه دويا پله‌يگ له‌تى هاتگه وه ريژه‌ى 2،4% له ده‌نگه‌يل.
