مێژوو "وارماوا" له كوردستان
شه‌فه‌ق نيوز/ دوياى دروستکردن حکومەت عێراق لە ساڵ 1925و لکانن باشوور کوردستان وە دەوڵەت پاشایەتی ئەوسای عێراقەو، دەسکريا وە دامەزرانن دەزگاييه‌يل ئدارى له عێراق، له كوردستانيش چه‌ن ليوا(پاريزگا)و قه‌زاو ناحيه‌يگ دامه‌زريان.
يه‌كيگ له ناحيه‌يل، ناحيه‌ى(واراماوا)بوێ له ئاوايى (چه‌مه‌رگه)ئداره‌گه‌ى دامه‌زريا، مه‌رزه‌گه‌يشى له‌و وه‌خته پيكهاتوێد له ناحيه‌ى زه‌ڕايه‌ن ئيسه‌و هه‌ڵه‌بجه‌ى تازه‌و ده‌ربه‌نديخان وه‌گشت ئاوايه‌يليه‌و.
له‌ساڵ 1952 وه‌ڕيه‌وبه‌رايه‌تى ناحيه‌ى وارماوا له ئاوايى چه‌مه‌رگه جيواز كريا ئه‌را ئاوايى(قليجه)تا ساڵ 1985، وه‌رجه شۆڕش 14ى ته‌مووز له‌ساڵ 1958 ئه‌را ماوه‌ى كه‌ميگ، وه‌ڕيه‌وبه‌رايه‌تى ناحيه‌گه جيواز كريا ئه‌را ئاوايى چناره‌و هه‌ر وه‌ناو وه‌ڕيه‌وبه‌رايه‌تى ناحيه‌ى(وارماوا)وه بويه، له ماوه‌ى ساڵه‌يل 1955 تا 1958 عه‌بدول جه‌بار زه‌نگه‌نه وه‌ڕيه‌وبه‌ر ناحيه‌ى وارماوا بويه.
له دوياى شۆرش 14ى ته‌ممووز 1958، وه‌ڕيه‌وبه‌رايه‌تى ناحيه‌ى وارماوا له ئاوايى چناره‌وه جيواز بويه ئه‌را ده‌ربه‌نديخان و ناوه‌گه‌ى ئاڵشت بويه ئه‌را وه‌ڕيه‌وبه‌رايه‌تى ناحيه‌ى ده‌ربه‌نديخان.
له‌ساڵ 1979، ده‌ربه‌نديخان كرياسه قه‌زاو وه‌ڕيه‌وبه‌رايه‌تى ناحيه جيواز بويه‌سه‌و ئه‌را ئوردوگاى زووره‌ملێ زه‌ڕايه‌ن، ك له‌لايه‌ن حكومه‌ت عێراقه‌و دروسكريا له ئاوايه‌يل بان مه‌رزه‌يل كوردستان عێراق جوور ئاوايه‌يل( پشتە،گمە، گڵێجاڵ، قەڵپ، بەلەسۆ، چوارداران، بەڕوێن، کانی پاشا،کانی وەیسکی، تۆوشکی، مۆرتکە، سەرشاتە، زارێن، بانی بۆڵان و چەنه‌ها ئاوايه‌يل تر) وه زوور هيز سوپاو تانك جيواز كريان.
ناحيه‌ى وارماوا(زه‌ڕايه‌ن)ئه‌كه‌فێده باشوور رووژهه‌ڵات شار سلێمانى وه دويرێ 46 كيلۆمه‌تر. لە ڕۆژهەڵاتەو قەزای سەى سادق و چەم تانجەرۆ لە یەکترێ جيايان ئه‌كاده‌و. لە دەریاچەی دەربەندیخان تا ره‌سێده ئاوايى قەرەگۆل لەورا ناحیەی تانجەرۆ هاومه‌رزە وه‌ليا، لە رووژئاواوە مه‌رزه‌گه‌ێ دريژه‌و ئه‌دێ ئه‌را ئاوايه‌يل بنار قه‌ره‌داخ له ئاوايى( ئاوه‌که‌ڵه)ه‌و وه‌و بناره گوزه‌ر ئه‌كا تا ئاوايى ( چه‌م و ژاڵه)، له‌ورايشه‌و گوزه‌ر ئه‌كا ئه‌را ئاوايى( میره‌دێ)تا ره‌سێده ئاوايه‌يل (ده‌ق) و( كانی به‌ردینه).
سه‌رچه‌وه/ زێرين
