چوار پارچە شیعر

له وێنەێ مــــەلان بچم  له هـوا

سێرسێر بنـــــوڕم وە کۊەێ نوا

لەوره باڵ بگرم تا بەرزی بیمار

چەوێـــر بارم، دڵ بکــەم تیمار

   جفائی‌خو

◼️

م° هەرجا چم، جیێم نیەودەو 

هە جاڕوو خەن لە پشت° پام

کەسێ دەس نەێ لە تەنیایێم

هە بیلن تا بــــچم... دی نــــام

  فرزانه حاتم نژادیان

◼️

رەفیق° خاسم  

          زرانیه‌یلم  بۊن 

      هەر وەخت  

                                  دڵتەنڰ  بۊم  

                                                هاتنە باوشم 

    رضا موزونی 

      شەو 

  گوورانیێگ بۊ

                                     وە باوش° منەو

      تا وەر° سوو

   وڕگ کردوو

  خەوێ نەوردەو...

   عەلی ئوڵفەتی