هێزداری و رێزداری، میرات سیاسی ئانگلا مرکل
![هێزداری و رێزداری، میرات سیاسی ئانگلا مرکل](https://media.shafaq.com/media/arcella/1609500736657.jpeg)
شەفەق نیوز- ئانگلا مرکل، سەدر ئەعزەم ئەومەی ئاڵمان، دۆمای ماڵئاوایی خوەێ وت: م ئەڕا سەدر ئەعزەم بیین نەهاتمەسە دی و خوەزەوم یەسە ک هەمیشە هەر کارێ ک گرمە مل، وە ئاوڕوو ئەنجامێ بدەم و ئاوڕووداری دە نام وڵات، ها نوای ئەنجام داین کارەیلەم.
هێزدارترین ژن دنیا ک یەمە رێزدارترین حاکم دنیاسەیش، هێژدە ساڵ، سەرۆک گەوراترین و وەهێزترین حزب دموکراتمەسیحی دنیا بی، لە 26 مارس 2004 تا پارەکە حوکوومەت کرد و ئێقەرە خاس حوکمڕەوایی کرد ک دە نام چەپڵەڕێزان نوێنەرەیلەی پارلمان، ک بان شەش دقیقە دریژە وەێ دان، وەرد سەدر ئەعزەمی ئاڵمان، ماڵئاوایی کرد.
ئەوی دریژترین دەوران حوکوومەت کردن دە نامەین سەرۆکهیل ئورووپا داشتگە و تەنیا ژنێگە دە دنیا ک ئێقەرە حوکومڕاوایی کردگە.
مرکل دە ئی دەورانە، نە هێشت ک تکێ خوێن کەسێ بڕشێ، نە خوەێ دزی کرد و نە قسەێ گەنێ کەفتە شوونێ، ئوو دۆمای تەرک کووشکەگە، هەمجا چگ ئەڕا نام ماڵەچەگەێ خوەێ تا وەرد مێردەگەێ جوور ئەوسا بژیێ.
میرات گەورای سیاسی مرکل ئەڕا گشت یە بی: هێزداری و رێزداری.