کاریگەریە دەروینیەیل جەنگ خوەرهەڵات ناوڕاس
فاتیمە سەڵاح ئەرکەوازی/ لێکۆڵەریگ تیۆر جەنگ وەناو "کلاوزڤیتز " ئوشێد: ئامانج گشت جەنگیگ مەسەلەیگ سیاسیە، باوجی راسییگ هەس نیەود خوەمان لەلی بشاریمنەو ئەویش یەسە؛ تا وە دەس ئەو وەهمە گیرۆدە بوین کە گوایە توەنیمن لەمیانەی جەنگ ئاشتی وەرهەم بارین لەریگەو ئاسایش و ئارامی و بی وەیی بەرقەرار بکەیمن، ئەوا دویکەڵ و خوین، لە بیهوودەیی و زەخم و کاولکاری کورەڕەوی و پەشیمانی زیاتر وە ئەولاوە هویچ چشتیگ ترەک نیەکاڵیمن!
چەمک جەنگ، وردەوردەی چەکداری یا ئابووری یا ئایدلۆژی یا فکری ماوە درویژە یا کوڵ، وە تەنیا وەکارهاوردن چەکدار و کەرەستەیل سەربازی نیەگردەو، بەڵکم توەنێد لەروی دەروینی ئامانجیگ گەپتر نیشان بکەێد، هاتێ تەنانەت شیواننن هویر و بۆچوینەیل بوود.
خوەرهەڵات ناوڕاس وە یەکیگ لە ناوچەیل ستراتیجی جەهانی دانرێد وە لەوەر چەو گردن گرنگی جیۆپۆلەتیکی و سامانە سروشتیەیل وەتایوەت نەفت، یەیش هیشتیە هەمیشە ناوچەگە نائارامیەیلیگ وە خوەی بدوینێد و وڵاتەیلی جەنگە ماوەدرویژەیل بیاشتوین، ئیرنگە ناوچەگە هالە وەرانوەر ئاڵنکاریەیل سیاسی و ئابووری و ئەمنی، و جەنگ و وردەوەردە فرەتر لە گشت وەختیگ یەخەیل وەڵاتەیلی گردیە، وە دەسپیچگ وەرەو نواچگن زیاتر مژارەیل زندگی، کاریگەری و لێکەفتەیل جەنگەیلیش وەبان دەروینی تاکەیل وە گشتی و مناڵەیل وە تایوەتی زیاترە.
وە گشتی دەرئەنجامەیل جەنگ بریتیە لە لەدەسدان خوود ئایەم و قەوم و کەسوکار و ماڵ و مولک و سامان، یا گشت لایەنە مەعنەویەگان کە ئاسەواری وەجی مینێد جویر : ئەشکەنجەدان دەسدرویژی سێکسی و گردن وە دیل و کووچ وەرەو تاراوگە و چەندین چشت ترەک.
ئیرنگە بارودۆخ خوەرهەڵات ناوڕاس کاریگەری گەپیگ وەبان دەروین مەردمەگە دروسکردیە وە شیوەیگ کە گەورە و مناڵ و شارەزا و پسپۆریگ سیاسی و ناشارەزایگ و تەنانەت ساعەقلەیل ناو کویچە و بازاڕ لێکدانەوە ئەرا بارودۆخەگە کەن، رخیگ وە دڵ و دەرونییان دروسبویە و رویواروی دڵڕەواکێ هاتنە نەکا بلویزەی جەنگ دوارە یەخەی مەردم عراق بگرێد.
لە کۆتایی ئەوەگ گرنگە بوشرێد، با کەمیگ وە ویژدان و هووشیاری مامەڵە وەگەرد بارودۆخەگە بکەێن، لەوەر خاتر لایک و کۆمێنت دڵ و دەروین مرۆڤەیل کورد نەڕمنیمن، ئیمەی کورد وە درویژایی مێژوو جەنگ و نەهامەتیەیل فرەیگ گوزەر کردیمنە، هەر لە پیر و وەتەمەنیگمان بگرە تا ناخاڵ و مناڵیگیمان یادگاری سیای جەنگ جویر تارمایی وە دەوینی بڵاوبویە، وەی مدوو هەوەجە نیەکەێد دۊز بخەیمنە بان باوەتەیلیگ دویرن لە ئیمە خوەمان بدەین وەدەس خەوەرەیل نادروس، لەوەگ کە هەس زیاتر خوەیان بڕمنین، بەڵکم ئمید بخوازین ئەرا ئایندەیگ گەشتر و بیوەی.
فاتیمە سەڵاح ئەرکەوازی/ لێکۆڵەریگ تیۆر جەنگ وەناو "کلاوزڤیتز " ئوشێد: ئامانج گشت جەنگیگ مەسەلەیگ سیاسیە، باوجی راسییگ هەس نیەود خوەمان لەلی بشاریمنەو ئەویش یەسە؛ تا وە دەس ئەو وەهمە گیرۆدە بوین کە گوایە توەنیمن لەمیانەی جەنگ ئاشتی وەرهەم بارین لەریگەو ئاسایش و ئارامی و بی وەیی بەرقەرار بکەیمن، ئەوا دویکەڵ و خوین، لە بیهوودەیی و زەخم و کاولکاری کورەڕەوی و پەشیمانی زیاتر وە ئەولاوە هویچ چشتیگ ترەک نیەکاڵیمن!
چەمک جەنگ، وردەوردەی چەکداری یا ئابووری یا ئایدلۆژی یا فکری ماوە درویژە یا کوڵ، وە تەنیا وەکارهاوردن چەکدار و کەرەستەیل سەربازی نیەگردەو، بەڵکم توەنێد لەروی دەروینی ئامانجیگ گەپتر نیشان بکەێد، هاتێ تەنانەت شیواننن هویر و بۆچوینەیل بوود.
خوەرهەڵات ناوڕاس وە یەکیگ لە ناوچەیل ستراتیجی جەهانی دانرێد وە لەوەر چەو گردن گرنگی جیۆپۆلەتیکی و سامانە سروشتیەیل وەتایوەت نەفت، یەیش هیشتیە هەمیشە ناوچەگە نائارامیەیلیگ وە خوەی بدوینێد و وڵاتەیلی جەنگە ماوەدرویژەیل بیاشتوین، ئیرنگە ناوچەگە هالە وەرانوەر ئاڵنکاریەیل سیاسی و ئابووری و ئەمنی، و جەنگ و وردەوەردە فرەتر لە گشت وەختیگ یەخەیل وەڵاتەیلی گردیە، وە دەسپیچگ وەرەو نواچگن زیاتر مژارەیل زندگی، کاریگەری و لێکەفتەیل جەنگەیلیش وەبان دەروینی تاکەیل وە گشتی و مناڵەیل وە تایوەتی زیاترە.
وە گشتی دەرئەنجامەیل جەنگ بریتیە لە لەدەسدان خوود ئایەم و قەوم و کەسوکار و ماڵ و مولک و سامان، یا گشت لایەنە مەعنەویەگان کە ئاسەواری وەجی مینێد جویر : ئەشکەنجەدان دەسدرویژی سێکسی و گردن وە دیل و کووچ وەرەو تاراوگە و چەندین چشت ترەک.
ئیرنگە بارودۆخ خوەرهەڵات ناوڕاس کاریگەری گەپیگ وەبان دەروین مەردمەگە دروسکردیە وە شیوەیگ کە گەورە و مناڵ و شارەزا و پسپۆریگ سیاسی و ناشارەزایگ و تەنانەت ساعەقلەیل ناو کویچە و بازاڕ لێکدانەوە ئەرا بارودۆخەگە کەن، رخیگ وە دڵ و دەرونییان دروسبویە و رویواروی دڵڕەواکێ هاتنە نەکا بلویزەی جەنگ دوارە یەخەی مەردم عراق بگرێد.
لە کۆتایی ئەوەگ گرنگە بوشرێد، با کەمیگ وە ویژدان و هووشیاری مامەڵە وەگەرد بارودۆخەگە بکەێن، لەوەر خاتر لایک و کۆمێنت دڵ و دەروین مرۆڤەیل کورد نەڕمنیمن، ئیمەی کورد وە درویژایی مێژوو جەنگ و نەهامەتیەیل فرەیگ گوزەر کردیمنە، هەر لە پیر و وەتەمەنیگمان بگرە تا ناخاڵ و مناڵیگیمان یادگاری سیای جەنگ جویر تارمایی وە دەوینی بڵاوبویە، وەی مدوو هەوەجە نیەکەێد دۊز بخەیمنە بان باوەتەیلیگ دویرن لە ئیمە خوەمان بدەین وەدەس خەوەرەیل نادروس، لەوەگ کە هەس زیاتر خوەیان بڕمنین، بەڵکم ئمید بخوازین ئەرا ئایندەیگ گەشتر و بیوەی.
