چیرووک ئەو دویەتەکە تابلۆیگ وە ٤ دۆلار سینێد و وە ١٩١ هەزار دۆلار فرووشتەی
تابلۆگە وەناو ڕامۆنای و یەکیگە لەو چوار تابلۆ کە ئەو هونەرمەنە لە ویلایەت پێنسیلڤانیا ئەرا چاپ ساڵ ١٩٣٩ی پەرتووک ڕامۆنا لە نویسین هێلین هانت جاکسۆن لە ساڵ ١٨٨٤ دروسی کردیە، کارەگە دویەت گەنجیگ یەتیم نیشان دەێد کە وەرد داڵگە ئیوەتکەرەگەی گیچەڵیگ دیرێد.
کۆمپانیای بۆنهامس سکینەر، کۆمپانیای زیادکردنەگە راگەیانیە، پسپۆڕەیل وایت تابلۆگە وە گومابوی ماوە درویژ زانستنە، بەڵام دەرکەفت کە لە دەس ژنیگ خەڵک نیو هامپشایرە.
لای خوەییش، ژنەگە وتیە: تابلۆگە لە بازاڕیگ میللی ناوخوەیی وە ٤ دۆلار سەنیە و وەرجە ئەوەگ بخەێدەی ناو شەوخەف و ماوەیگیش لەقەی دیوارەگەی بویە.
ئەو ناسنامەی راسی تابلۆگەی پەیا کرد دوای ئەوە کە وینەیگ لە تووڕ کۆمەڵایەتی فەیسبووک بڵاو کردیە، لەورا داوا لەلای کریا پەیوەندی وە کۆڕاتۆرەیل مۆزەخانەی براندیواین لە شار چادس فۆرد لە ویلایەت پێنسیلڤانیا بکەێد، وەتایبەتی کۆڕاتۆر وەرین مۆزەخانەی وایت لە ویلایەت مەین، کە بڕیاردا تابلۆگە وەدەس بارێد.
ئمجا تابلۆگە لە زیادکردنیگ ئاشکرا فرووشیا دویای ئەوەگ ناسنامەگەی چەسپیا، وەیەوە نرخ فرووشتنی بەرزەو بوی وە بڕ ١٥٠ هەزار دۆلار، تا نرخ کۆتایی فرووشتنی رەسیە ١٩١ هەزار دۆلار.
