وەچەن رییگ مەترسی تویشهاتن وە شێرپەنجە کەمەوبکە
باوجی فرەیگ لەپزیشکەیل هاوڕان هەڵوژاردن شیوازیگ تەندروس ژیان کردن کاریگەری لەبان ئەگەر تویشنەبوین وە شێرپەنجە دیرێد.
ماڵپەڕ "مایۆ کلینیک" گرنگترین تەمەیەیلە دەسنیشانکردنە:
١.وازهاوردن لە سیگارکیشان، سیگار پەیوەنی وە چەندین جویر شێرپەنجە دیرێد جویر شێرپەنجەی سویە، دەم، قوڕگ، پەنکریاس، میزڵدان و گورچگ.
٢. سیستمیگ خوەراکی تەندروس و هاوسەنگ، زیاتر لە سەوزەیل جویر برۆکلی پێکهاتبوید وەرد گشت سەوزەیل تر، تا توەنرێد گوشت کەمەوبکرێد.
٣. وازهاوردن لە نووشینەیل کحولی، چوینکە ئەگەر تویشهاتن وە جویرەها شێرپەنجە زیایەوکەێد جویر شێرپەنجەی مەمگ و قۆڵۆن و سویە و گورچگ و جگەر.
٤. مقیەتبوین کێش لەش وەلایەن کەم سێ رووژ وەرزشکردن لە هەفتەیگ.
٥. دویرەو کەفتن لە تیشک راستەوخوەی خوەر وەتایوەت لەمەوقەی نیمەڕوو.
٦. ری نەدەێد وە ڤایرۆسەیلە لەناو لەش ئەوزەڵ بکەن.
٧. وازهاوردن لە خوەراکەیل ئامادەکریاگ و گازی و خوەراکەیل زەرەد بەخش جویر ئیندۆمی و شیرینی کە بوونە مدوو لەناوبردن خانەیل ەش و دروسکردن خانەیل شێرپەنجەیی.
٨. چای نووشین وە تایبەت چای سەوز کە رۆل گرنگیگ دیرێد ئەرا لەناوبردن خانەیل شێرپەنجەیی.
