ئه‌ڕا بڕێ له کورونائیه‌یل کوتوپڕ دمرن؟
2020-11-07T06:22:07+00:00
شه‌فه نیوز- دوکتور جه‌ماڵی موقه‌دم، موته‌خه‌سس بیمارییه‌یل ریه و زووخاو وت: له بڕێ‌ڕا، قه‌یرێ له بیماره‌یله ک یا ده بیمارستان دخه‌فن و یا ده ماڵ دکه‌فن جی‌ئه‌ڵ‌جی، قرق گیانێیان ده‌رچوو، هن یه‌سه ک کورونا ده‌رد کوت‌و‌پڕێگه، باوجی زانست پزشکی له‌وا نه‌ویشێ، چوون وه راسی، مردن ئی بیماره‌یله کوتوپڕ نه‌بییه و بیمارییه‌گه، چوون ویر له‌ی ڕینه، له جارانه‌و پیر کردگه‌سه گیانێیان و خوه‌یان وه‌بیان ئاگا نه‌بییه و هاتێ ئه‌یانه له چهن رووژ، چهن هه‌فته و چووزانم چهن مانگ، وه‌ر ژه بیمارییه‌گه، پفییه‌یله‌یان تووش کورونا هاتگه و جگه‌جگه سوویه‌یان سییه‌وه کردگه و ئمجا ک ئی عفونه‌ته په‌نجا تا هه‌فتا له سه‌د پفی ئه‌وانه گه‌نانگه و له کار خستگه، تازه له بیمارییه‌گه‌ی خوه‌یان ئه‌وڕه‌سینه‌سه‌و ک دی بار له بان ده‌س گشت چگه و گله‌و داین وه‌یجووره سوویه‌یلێ کار مه‌پووڕێگه.
ئی کارزانه وت: ئیجووره که‌سه‌یلێ ک دێر له‌یان ره‌سنه‌و و وه هه‌ڵپه‌ڵه دیارنه‌یانه بیمارستان و ئیمه‌یش ئه‌ر ته‌خت هالی بداشتوویمن دبه‌یمنه‌یان وه ICU، ئوکسیژن خوێنێیان فره‌تر ها ده ژێر 86 ک یه یانێ ره‌سین وه وه‌خت گیان‌کنین بیماره‌یل و وه‌رد مه‌‌رگ جه‌نگڵه‌جنگی کردنێیان.
ئه‌وی وت: ئه‌ڕا یه‌سه ک له ئیمه‌یا ئه‌وانه کوتوپڕ دمرن.
ئی کارزانه وت: ئیجووره که‌سه‌یلێ ک دێر له‌یان ره‌سنه‌و و وه هه‌ڵپه‌ڵه دیارنه‌یانه بیمارستان و ئیمه‌یش ئه‌ر ته‌خت هالی بداشتوویمن دبه‌یمنه‌یان وه ICU، ئوکسیژن خوێنێیان فره‌تر ها ده ژێر 86 ک یه یانێ ره‌سین وه وه‌خت گیان‌کنین بیماره‌یل و وه‌رد مه‌‌رگ جه‌نگڵه‌جنگی کردنێیان.
ئه‌وی وت: ئه‌ڕا یه‌سه ک له ئیمه‌یا ئه‌وانه کوتوپڕ دمرن.
