گەنجیگ سوری دویای ١٠ لە کارەسات زەویلەرزەگە چەو کەفێدە داڵگی
لەو مەوقە، گەنجەگەیش لەلای خوەیەو داڵگی لەژیر رمیاگەیل مردگە، تا هەردوگیان لەناو یەک خەسەخانە یەکانگیرەو بوون.
حسێن لە قسەیلی ئەرا میدیایل راگەیانن ئویشێد: لەناو خەسەخانەی شووردن گورچگ بویمن لە شار ئەدلب، دویای ١٠ رووژ لە زەویلەرزەگەی سوریا، هەنای چەو کەفتە داڵگم، چمای چەوم کەفتە بەهەشت.
وتیش: من لە خوەمەو داڵگ و خیزانم کوشیانە، و ئەویش هەم ئیجویرە.
وتیش: مەوقەی زەویلەرزەگە من خەفتوێم، و کەسەیل خیزانەگە نەخەفتنە، و دویای نیم ساعەت داڵگم هاوردەمە خەوەر.
وتیش؛ باوگ و داڵگم پاشام خواردیان، و لەبان زەویلەرزەگە هاتنە خەوەر، ک لە شار سقین خوەرئاوای ئەدلب بویمن، لە قات چوارەم، و لە پاچینەگە هاتیمنە خوار، و لە هوچان قات دویەم، بیناگە رمیا.
هەمیش وت: گشت وەختەگە لە هووش خوەم نەچگم، و نماز شەوەکی لە ژیر رمیاگەیل خوەنستم، و کوناییگ بوی لەلی هەناس کیشام، و تا ماوەی ٣٢ ساعەت لەژیر رمیاگەیل مەنم.
وتیش: هەنای لەژیر رمیاگەیل دراتم، هویچیگ لە خیزانەگەم نیەزانم، وەلێ باوگم لە ژیر رمیاگەیل تا چەن ساعەتیگ وەردم قسە کرد، و ناو گشتمان هاورد وەرجە مردنی، ک خوەی بیمار بوی.
