مناڵیگ یەک ساڵ و نیمە 50 ئاسنرەوا قویت دەێد
شەفەق نیوز/ لە رویداویگ ئەلاجوی مناڵیگ تەمەن ساڵ و شەش مانگ لە ئیسرائیل 50 مگناتیس قویت دەێد و پزیشکەیل ناچاربوون نەشتەرگەری ئەرا دراوردنی ئەنجام دەن.
دویای ئەوەگ بەشیگ لە میرگەیل موگناتیسی کە مناڵەگە بازی وەپی کردیە دیار نیەمینێد داڵگ و باوگ مناڵەگە دەسوەجی مناڵەگە رەسننە خەستەخانە هەرچەنە هویچ نیشانەیگ نەداشتیە.
لە چەوەپیکەفتنیگ وەرد کەناڵ "i24NEWS"، پزیشکەگەی ناداڤ سلیفه‌ر ئوشێد؛ هەنای مناڵەگە هاتە وتاق فریاکەفتن ئەرامان دەرکەفت موگناتیس ها لەناو گەیەی و تەقەلادایمن دراریمنێ.
باس لەوەشکرد، لە قۆناغ دیاریکردن ئەرامان دەرکەفت بەشیگ لە موگناتیسەیل لەناو گەیەی نەمەننە وەرەو ریخەلوی باریگە و ریخەلوی گەورەی چگنە و لەوەر هێز موگناتیسی ناوەین موگناتیسەیلە کونا لە ریخەلوی دروسکردنە".
ئاشکرایکرد، موگنایسەیلە هیشتیە بڕەسێدە نەشتەرگەری ئەرا دراوردنیان چوینکە وەیەکەو لکیاوێن و لەڕیەو ژیان مناڵەگە لە مردن قورتارکریا.
