ماشین کادیلاک نووترین ماشین کارەبایی خوەی نمایش کرد
2023-12-23T12:24:08+00:00
شەفەق نیوز/ کۆمپانیای کادیلاک پەردە لەبان نووترین ماشینی ڤیستیکی لاورد، کە جویر ماشینیگ پیشکەفتی و وەهێز دروسکریاس و وەکارەبا کارکەێد.
وەپای خەوەریگ لە "رووسیا تودەی"، رووخسار دەێشت ماشینەگە هەڵگر تایبەتمەنیەیل ماشینە گەپەیل کادیلاک SUV ە، باوجی وە ئەوە جیاوەکرێد لە بەش نواوە وە شويشەیگ پان رەنگینکریاس، هەمیش لایت تەکنەلۆژیای نوو LED ئەرای دانریاس و سنووق پشتی وە کڕیگ رووشنایی دەورە دریاس.
ويلەیلی گەپ و پانە، سەقفەگەی پانۆراماس، و تا ئیسە کادیلاک دیزاین ناو ماشینەگە ئاشکەرا نەکردیە، باوجی وەپای زانیاری دزەوەپیکریاگەیل شاشەی تاج تەیار ئەرای کریایە.
وە ئەگەر فرەیگ هاتێ پشت وە دوو ماتۆر کارەبایی گەپ بوەسێد کە ٥٠٧ یان ٦١٠ ئەسپ بەرهەم تیارێد، هەمیش وە گێڕبۆکس ماشین و سیستەم چوار تایەر "دەبڵ ئەکسل" کارکەێد.
