فیستواڵ (دیوالی) لە هندستان

 شەفەق نیوز/ زیاتر لە یەک ملیار کەس لە جەهان، وە فیستواڵ رووشنایی ئاهەنگ کەنر و لە هندستان، مەلیۆنا لە هندۆس گردەو بوون، و دەسەکەنە نماز خوەنین و ئاهەنگ، و ئاسمان وە ئاگربازی رووشنەو کەن، و بینا و جادەیل وە چراغ و رووشنایی رازننەو.

دیوالی، فیستواڵیگ ئەرا خوەشی و رووشنایی، کە هندۆسیەیل هامشوو یەکتری کەن، و دیاری و شیرینی وەگەرد خیزان و برادەرەیل بەشەو کەن.

مەوقەی ئی فیستواڵە کە تا پەنج رووژ وەردەوامە، وەبان رووژنامەی هندۆسی دیاری کریەن، کە کەفێدە ناوەین مانگ ئۆکتۆبەر و نۆڤەمبەر، و شیوەی ئاهەنگەگە نشانەی سەرکەفتن رووشناییە وەبان تاریکی.