دوو مانگا وەرانوەر یەک تفەنگ.. ئایا پەلامارە خوینینەگان لە نەیجیریا تەواو بوود؟
دەسەڵاتەیل لە وەلایەت زامفاڕا لە نەیجیریا پەیمان دان وە پێشکەشکردن دوو مانگا وەرانوەر یەک چەک گەلەو بیریەێد، لە هەوڵدانیگ ئەرا وسانن پەلامارە خوینینەگان لە لایەن چەتە تاوانکارەگان.
بیلۆ ماتاوالی حکومدار وت: وەرانوەر هەر تفەنگیگ دز تەوبەکاریگ بیەێدەی دەس، قەربوو دوو مانگا وەرگرێد. ئەرا ساڵیەلیگ پەلامار کومەڵگا جیابویەگان لە ناوچەگە کریاد لەلایەن کۆمەڵەیل چەکدار دزو جەردە هاناویان وە کوڵ ماتۆڕسکڵ. وەگورەی ماتاوالی، ئی هەلە کریەێد وە ئامانج رازیکردن ئەو کەسەیله وە چەتە ناسریاگن ئەرا وەدس داین چەکیان.
تا ئیسە دەسەڵاتەگە ئۆپراسیۆن سەربازیی خەسەو کردگە ودانووستان ئاشتەوایی ئەرا کۆتایی هاوردن لە کارەیل کوشتن، بەڵکم وەبی خود. ئیسەیش هیچ دیارنەکەفتگە ک ئی ستراتیژیە هیلێد چەتەگان واز بارن لە دزیکردن ئاژەڵ و کارەیل رفانن ، ئەرا وەرگردن بەراورد پویل.
لە ساڵ ٢٠١١ ، دەور ٨ هەزار کەس کوشیا، ودەور ٢٠٠ هەزار وەرەو باکوور خوەرئاوای نەیجیریا واین، لەوەر ئاژاوەگان لە قەرەباڵغی و ئاڵشتبوین کەشوھەوا.
سەرۆک محمد بوخاری پەیماندا وە کۆتایی هاوردن کوشتار، دویای بەرزەو بوین پەلامارەگان لە وەلایەت کاتسینا. لە ڕوی وەریبوین کارەیل وەردەوامی لە دزیکردن ئاژەڵ، بڕیگ لە دانیشتوەیل کۆمەڵە دروس کردن ئەرا وەرگری کردن لە خوەیان، و توومەت کریان وە جیوەجی کردن کارەیلیگ لە دەیشت سنور دادوەری.
