حکومڕانی خاس
![حکومڕانی خاس](https://media.shafaq.com/media/arcella/1728914015665.jpg)
کوڵە چیرووک
لە ساڵ 1958 زاینی( میلادی) داتەک ئەساسی و بنەڕەتی وڵات سوویس وە مژار دادوەری کۆمەڵگا لە حال تاوتوێ بی، سەرووک مەجلس داتەک ئەساسی لە ناو چشتخانە یا ڕستورانێ نۊشتۊد شایەت چیرووک یا داستان ئی خوارە بی کە ڕێ تاوتوێ ئاڵشت کرد و ئیمڕوو سوویس بانترین ئاست یا حدواندازەی دادوەری کومڵگا لە ناو دونیا ئەڕا خەڵک خوەێ دیاری کردێیە.
ئەو ئۊشێ؛ لە بان مێزێگ وە نزیک مێزەێ ئیمە پیاێ یەێ گلە ساندویچ ئەڕا دوگلە کوڕە بۊچگڵەێ سەن ؛ نارەێ بان مێزەگە،
وەتە کوڕە گەوراگە : تو بکرەێ دوکوتا بەشێ بکە !
وەتە کوڕە دویمینە : تو کوت بش خوەد هەڵوژن !
سەرم سڕ مەن وەشێوەێ مخت و دادوەری ئی پیا !!!
یانێ ئەگەر گەوراگە یەێ وەخت وەقەسی سەنگەلا کوتیان بکەێ،
بۊچکڵەگە ماف یا هەق بێاشتوو کە هەرکام لەو کوتەیلە تواس هەڵوژنێ !
زانستم " کە داتەک باوگە " دەوڵەت " کوڕە گەوراگە و "خەڵک کوڕە بۊچکڵەس " و تا ئیمڕوو ئی ئەزموونە لە ناو گشت دەم و دەزگای سوویس حاکمە.
هەڵگەردان سادق جەلیلیان