توێژینەوە: خواردنەیلیگ پیری دویاخەن
شەفەق نیوزـ وەدویاچگن
لە توێژینەوەیگ زانستی نوو کە وەلایەن بڕیگ شارەزای مژار خوەراک و تەندروسی گشتی ئەنجامدریاگە و لە گۆڤار American Journal of Clinical Nutrition بڵاوکریاس، ئەوەگ خریاسەڕوی پشت بەسان وەو خواردن و سەوزە و میوەیلە بڕ ریشاڵ فرەیگ هاناویان رۆل یەکلاکەرەو دیرێد لە پاراستن تەندروسی خانەیل لەش و کەمکردن نیشانەیل پیربوین پیشوەختە.
توێژەرەیل ئەرایان دەرکەفتیە ئەو کەسەیلە وە بڕیگ وەردەوام خوەراک دەوڵەمەن وە ریشاڵ روەکی جویر ( پەتاتەی شیرین، دانەوێڵە، چەن جویریگ میوە، جویر سیف و هەرموو و مۆز، گەڵامێو، بڕۆکلی، گەنمەشامی) خوەن، تێلمۆیرەیلیان (کە کۆتایی کرۆمۆسۆمەیلیانن و وەرپرسن لە تەمەن خانەیل) کەمتر تویش کوڵەوبون تیان، وەیجویرە پڕۆسەی پیربوین یەواشەوبوود.
ریشالەیل دەسمیەتی رێکخسن بەکتریای ناو ریخەلوی دەن، یەیش راستەوخوەی بوودە مدوو کەمکردن هەوکردن درویژەوەختە لە لەش کە هووکار سەرەکیە ئەرا فرەیگ لە بیماری درویژخایەنەیل.
