وەی نزیکە.. شاندیگ لە حکومەت هەرێم کوردستان ئەرا دابینکردن مووچە هالە بەغداد
شەفەق نیوز/ حکومەت هەرێم کوردستان، ئمڕوو دووشەممە، راگەیان رەوانەکردن شاند حکومەت ئەرا بەغداد ئەرا باس لە دابینکردن مووچەی فەرمانبەرەیل هەرێم، بەڵکم باس لە مەوقەی سەردانەگە نەکرد.
جوتیار عادل قسەکەر وەناو حکومەت ئەرا ژمارەیگ لە میادیایل راگەیانن لەلیان ئاژانس شەفەق نیوز وت: حکومەت هەرێم کوردستان وەینزیکە مەوقە و ئەندامەیل شاندەگە ئاشکرا کەێد.
لە لایبگ تر، عادل ئاماژە کرد ک نۆینەرەیەیلیگ لە حکومەت هەرێم ئەوەسا بەشداربوون لە کۆبونەوەی هاتگ پەرلەمان هەرێم کوردستان ک بڕیاربوی سوو سێشەممە بکریەێد، و خریا بانگوازیگ تر.
وتیش؛ حکومەت هەرێم ئەوەسا گشت بەڵگەنامە گرنگەگان ئەرا ئامادەکردن راپۆرتیگ گشتگیر لە رەوشە داراییەگە و رێککەفتن وەگەرد حکومەت فیدڕاڵی ئامادە کەێد تا بخەەێدەی وەردەس پەرلەمان.
عادل دیاریکرد ئەگەر بەغداد ٣٢٠ ملیار دینار ئەرا هەرێم کوردستان رەوانە کرد، ئەو وەختە راگەینێد لە خشتەی دابەشکردن مووچەگان.
