مردن کراکاریگ لە سلێمانی وە تەقیان سیستەم غاز ناو بینایگ بازرگانی (وینە)
2024-06-12T07:57:27+00:00
شەفەق نیوز/ شایەتحالەیل، ئمڕوو چوارشەممە، خەوەردان لە هیزگردن ئاگر لەناو یەکیگ لە بینایەیل بازرگانی شار سلێمانی وە مدوو تەقیان سیستەم غاز، بویە مدوو مردن کراکاریگ.
شایەتحالیگ وە شەفەق نیوز وت، "ئاگرەگە لە ساعەت 9 و 20 خولەک شەوەکی هیزگردیە لە کویچەی (ئاشتی) سلێمانی"، ئاشکەرایکرد "لە ئەنجام کارەیل خاسەوکردن ئەممار زەیت و غاز ئەرا بینایگ نوو کە تا ئیسە کڕ کارەبا وەپی نەڕەسیە".
ئاشکەرایکرد "قنیلەی غاز لەبان بیناگە بویە و تەقیە بویەسە مدوو مردن کراکاریگ کە لەورا بویە ئەرا کارەیل خاسەوکردن ئەمار زەیت غازەگە و ئەرا پزیشک دادوەری کلکریاس و وەرگیری شارستانی وە وەختیگ پەیمانەیی رەسینەس شوین رویداوەگە".
وتیش، "تیمەیل وەرگیری شارستانی دەزگایەیل تایوەت وەکارهاوردیە ئەرا کارەیل چوڵەوکردن و کپەوکردن ئاگر بان بینایەگە و کارمەنەیل هاتوچو و پۆلیس ئەو ریەیلە بەسان کە رەسێدە شوین رویداوەگە".
