كوردستان وه‌ زنجيره‌ بڕياره‌يليگ ريگرى له‌ كۆرۆنا ئه‌كا

Category: هــــه‌واڵ كــوردى

Date: 2020-06-10T20:53:01+0000
كوردستان وه‌ زنجيره‌ بڕياره‌يليگ ريگرى له‌ كۆرۆنا ئه‌كا

شه‌فه‌ق نيوز/ ليژنه‌ى باڵاى وه‌زارى ئه‌را روێ وه‌ڕوێ بوينه‌وه‌ى ڤايرۆس كۆرۆنا له‌ هه‌رێم كوردستان، له‌ دانيشتن ئمڕووى، شماره‌يگ بڕيار ئه‌را نواگيرى له‌ بڵاوبوينه‌وه‌ى ڤايرۆسه‌گه‌ ده‌ركرد ك له‌ى رووژه‌يل دوياخره‌ زيايبوين وه‌خوه‌يه‌و دێ.

ليژنه‌گه‌ له‌ به‌ياننامه‌يگ ئه‌را ئاژانس شه‌فه‌ق نيوز ئه‌وه‌ ده‌رخست ك دانيشتنيگ وه‌ سه‌رۆپه‌رشتى مه‌سرور بارزانى سه‌رۆك حكومه‌ت ساز كردگه‌ له‌ڕێ ڤيديۆ كۆنفرانس وه‌ ئاماده‌بوين قوباد تاڵه‌بانى جيگر سه‌رۆك حكومه‌ و وه‌زيره‌يل په‌يوه‌نديدار له‌وه‌ر تاوتوێكردن دويايين بارودوخ بڵاوبوينه‌وه‌ى ڤايرۆس كۆرۆنا له‌ هه‌رێم.

له‌سه‌ره‌تاى دانيشنه‌گه‌ وه‌زير ناوخوه‌يى راپۆرتيگ له‌ى باوه‌ته‌و پيشكه‌ش كرد و دوياى ئه‌ويش وه‌زير ته‌ندروستى راپۆرتيگ له‌باره‌ى بڵاوبوينه‌وه‌ى ڤايرۆسه‌گه‌ و به‌رزه‌وبوين شماره‌ى تويشبوين و قوربانيه‌يل پيشكه‌ش كرد و دوياخريش ليژنه‌ى ناوبرياێ شماره‌يگ بڕيار دا، له‌وانه‌يش:

1- وه‌رده‌وامى له‌ جيوه‌جيكردن رێ وشوونه‌يل خواست و كه‌ره‌نتين و پيشكه‌شكردن خزمه‌تگوزارى ته‌ندروستى و چه‌وديرى پزيشكى ئه‌را تويشبويه‌يل و وه‌ركه‌فته‌يل و گه‌شياره‌يل وه‌ل فراوانكردن هه‌ڵمه‌ت هوشياركردنه‌وه‌ى ته‌ندروستى و چه‌وديريكردن هاوولاتيه‌يل له‌ جيوه‌جيكردن رينمايه‌يل.

2- وه‌كارهاوردن ماسك وه‌شيوه‌يگ ئجبارى له‌گشت ده‌زگايه‌يل حكومى و شوونه‌يل گشتى و له‌وه‌رگرتن رێ وشوون دژ سه‌رپيچكاره‌يل.

3- ته‌رخانكردن په‌نج مليار دينار ئه‌را وه‌زاره‌ت ته‌ندروستى  له‌ بودجه‌ له‌وه‌ر روێ وه‌ڕوێ بوينه‌وه‌ى ڤايرۆس كۆرۆنا وه‌ئامانج دابه‌شكردنى له‌بان ده‌زگايه‌يل ته‌ندروستى له‌ پاريزگايه‌يل و يه‌كه‌يل ئدارى.

4- راسپاردن وه‌زاره‌ت ته‌ندروستى و لايه‌نه‌يل په‌يوه‌نديدار له‌وه‌ر پيشكه‌شكردن ئاسانكارى خواست ئه‌را كارخانه‌يل دروسكردن ماسك و هه‌وه‌جه‌يل تر خوه‌يپاريزى.

5- وه‌پيداين ده‌سڵات زياتر وه‌ وه‌زاره‌ت ته‌ندروستى ئه‌را فراوانكردن خزمه‌ته‌يل تاقيگايى و داناين ميكانيزم تازه‌ و گونجياێ ئه‌را دياريكردن تويشبويه‌يل وه‌ ڤايرۆسه‌گه‌.

6- بايه‌سه‌ له‌بان هه‌ردوگ وه‌زاره‌ت ته‌ندروستى و ناوخوه‌يى و ده‌زگاى په‌يوه‌نديه‌يل خارجى په‌ويه‌ندى وه‌ل لايه‌نه‌يل تايبه‌تمه‌ند له‌ حكومه‌ت عراقى و نويسينگه‌ى ريكخرياگ ته‌ندروستى جه‌هانى له‌ عراق و هه‌رێم كوردستان و باڵيۆزخانه‌و كونوسڵخانه‌و نێرده‌يل دبلۆماسى و نوێنه‌رايه‌تيه‌يل و ريكخرياگه‌يل ناوده‌وڵه‌تى داشتوون له‌وه‌ر هه‌ماهه‌نگى و هاوكارى وه‌خاتر پشتگيرى  هه‌وڵه‌يل هه‌رێم كوردستان له‌ روێ وه‌ڕوێ بوينه‌وه‌ى ڤايرۆسه‌گه‌.

7- وه‌ردامبوين قه‌يه‌غه‌ى هاتوچوو له‌ناونى پاريزگايه‌يل و يه‌كه‌يل ئدارى و وتونكردنه‌وه‌ى رێ وشوونه‌يل خواست له‌ناونى هه‌رێم كوردستان و پاريزگايه‌يل عراقى و راسپاردن هه‌ردوگ وه‌زاره‌ت پێشمه‌رگه‌و ناوخوه‌يى ئه‌را ريكخستن ده‌وام كارمه‌نده‌يل پێشمه‌رگه‌و ئاسايش و هيزه‌يل ئه‌من ناوخوه‌يى.

related

چين له‌ڕێ شاره‌زايه‌يل و ده‌سميه‌ته‌يلى هه‌وڵ له‌ناوبردن كۆرۆنا ئه‌ياد له‌ كوردستان

Date: 2020-03-11 19:08:16
چين له‌ڕێ شاره‌زايه‌يل و ده‌سميه‌ته‌يلى هه‌وڵ له‌ناوبردن كۆرۆنا ئه‌ياد له‌ كوردستان

ئه‌را په‌نجه‌م رووژه‌.. هويچ تويشبوينيگ وه‌ كۆرۆنا له‌ كوردستان نيه‌

Date: 2020-04-22 21:44:10
ئه‌را په‌نجه‌م رووژه‌.. هويچ تويشبوينيگ وه‌ كۆرۆنا له‌ كوردستان نيه‌

چين زانيارى له‌باره‌ى روێ وه‌ڕوێ بوينه‌وه‌ى كۆرۆنا ئه‌ياده‌ كوردستان

Date: 2020-03-28 18:15:57
چين زانيارى له‌باره‌ى روێ وه‌ڕوێ بوينه‌وه‌ى كۆرۆنا ئه‌ياده‌ كوردستان

له‌ ماوه‌ى 24 سه‌عات.. حاڵه‌تيگ مردن و 11 تويشبوين وه‌ كۆرۆنا له‌ كوردستان

Date: 2020-04-28 20:52:09
له‌ ماوه‌ى 24 سه‌عات.. حاڵه‌تيگ مردن و 11 تويشبوين وه‌ كۆرۆنا له‌ كوردستان

كوردستان ئاشكراى 101 تويشبوين وه‌ كۆرۆنا كرد له‌ ماوه‌ى يه‌ك رووژ له‌ سلێمانى

Date: 2020-05-31 21:32:24
كوردستان ئاشكراى 101 تويشبوين وه‌ كۆرۆنا كرد له‌ ماوه‌ى يه‌ك رووژ له‌ سلێمانى

كوردستان دوايين زانيارى له‌باره‌ى مووچه‌ى كارمه‌نده‌يلێ پيشكه‌ش كرد

Date: 2019-10-01 10:32:21
كوردستان دوايين زانيارى له‌باره‌ى مووچه‌ى كارمه‌نده‌يلێ پيشكه‌ش كرد

ئه‌نته‌رنێت له‌ كوردستان بڕيه‌ێد

Date: 2019-05-26 10:56:12
ئه‌نته‌رنێت له‌ كوردستان بڕيه‌ێد

كوردستان ئاشكراى پرووژه‌يگ گرنگ كرد له‌ سلێمانى

Date: 2019-12-16 19:08:10
كوردستان ئاشكراى پرووژه‌يگ گرنگ كرد له‌ سلێمانى