کەفتن قوربانی لە ئەنجام تەقینەوەیگ لەناو سەربازگەیگ مەشقکردن پیشمەرگە لە سلێمانی

شەفەق نيوز- سلێمانی 

سەرچەوەیگ ئاگادار، ئمڕوو سێشەممە، خەوەردا لە کوشیان خوەنەواریگ و زەخمداری سێیان ترەک لە کولێژ سەربازی، لەناو سەربازگەیگ پیشمەرگە لە پارێزگای سلێمانی. 

 سەرچەوەگە ئەرا ئاژانس شەفەق نیوز وت: رویداویگ لەناو سەربازگەیگ پیشمەرگە لە پارێزگای سلێمانی مەوقەی مەشقکردن خوەنەوارەیل کوڵیژ سەربازی لە قەڵاجۆڵان رویدا.

 وتیش: گولەی ئار بی جی وەناکاوەو تەقیەو مەوقەی مەشقکردن لەناو مەیدان سەربازگەی فەرماندەیی، بویە هوکار کوشیان یەکیگ لە خوەنەوارەیل و زەخمداری سێیان ترەک.

 وتیش: تەندروسی یەکیگ لە زەخمدارەیل سەختە، و لەناو زەخمدارەیل ئەفسەر هەس، دیاری کرد کە لایەنەیل پەیوەندیدار لێکۆڵینەوە لە رویداوەگە واز کردن.