حەداد راگەینێد نزیکەوبوین خاسیگ لە دانووستانەگان بەغداد و هەرێم کوردستان
شەفەق نیوز/ بەشیر حەداد جیگر دوویەم سەرۆک ئەنجومەن نۆێنەران، ئمڕوو دووشەممە، دووپاتکرد ک هەرێم کوردستان ئامادەیی خوەی ئەرا جیوەجیکردن پابەندیە دەستووریەگانی وەرانوەر حکومەت فیدڕاڵی نیشادا، و ئاماژە کرد ک دانوستانەگان لەناوبەین بەغداد وهەولێر رەسینە نزیکەوبوین خاسیگ ئەرا چارەسەرکەردن ناکۆکیەگان.
حەداد لە بەیاننامەیگ رەسیە ئاژانس شەفەق نیوز وت: هەرێم کوردستان ئامادەیی خوەی ئەرا جیوەجیکردن پابەندیە دەستووریەگانی وەرانوەر حکومەت فیدڕاڵی نشاندا، وەرانوەر رێزگردن بەغداد ئەرا گشت پابەندیە یاسایی و دەستووریەگانی وەرانوەر هەرێم.
و دووپاتکرد لە گرنگی خەسەوکردن دانووستانەیل ئەرا چارەسەرکەردن باوەتەگان تا بڕەسنە رێککەفتن هاوبەشیگ و نزیکەوبوین لە بۆچوونەگان و وەپشتسەرناین ناکۆکیەگان لەی قۆناغ سەختە ک رەنج و تەقەلای زیاتر و و هاوکاری لە گشتی خوازێد.
حەداد وتیش؛ تا ئیسە دانوستانەگان وەردەوامن، و هەردوگ لاگە فرە لە رێککەفتن هاوبەشیان نزیکن، و ئومیدخوازیمن بڕەسنە چارەسەریەیلیگ پیشەیی لە چوارچێوەی یاسای رێککەفتنیگ یەکسانی لەناوبەین هەولێر و بەغداد بکەفێدە بەرژەوەندی نیشتمانی باڵا، و هەردوگ لاگە پابەند وە جیوەجیکردنی بکەێد.
