کوشیان و زەخمداری ٦ کەس وەرۊداویگ هاتوچو لە بابل
2022-04-09T09:19:14+00:00
شەفەق نیوز/ سەرچەوەیگ لە پارێزگای بابل، ئمڕوو شەممە، خەوەردا لە کوشیان و زەخمداری شەش کەس وە رۊداویگ هاتوچو.
سەرچەوەگە ئەرا ئاژانس شەفەق نیوز وت: رۊداوەگە لەنزیک ناحیەی نیل لە پارێزگای بابل بۊ، و بۊە هووکار کوشیان ٣ کەس، وزەخمداری ٣ کەستر.
سەرچەوەگە وتیش: ماشین فریاکەفتن زەخمدارەیل ئەرا خەسەخانە رەسان، و تەرمەیلە وەرەو پزشک یاسایی بڕیان.
